न्युकासलमाथि लिभरपुलको रोमाञ्चक जित

रियो नोमोहाले गरेको निर्णायक गोलको मदतले लिभरपुलले इंग्लिस प्रिमियर लिगमा सोमबार राति न्युकासल युनाइटेडलाई ३–२ ले पराजित गरेको छ । भर्खर १६ वर्ष पुगेका नोमोहाले खेलको सयौं मिनेटमा गोल गरेका हुन् ।

लिभरपुलले दस खेलाडीमा सीमित न्युकासलविरुद्ध दुई गोलको अग्रता गुमाएको थियो । सुरुमा रायन ग्राभनवेख र ह्युगो एकिटिकेले लिभरपुलका लागि गोल गरे । त्यसपछि न्युकासलका लागि ब्रुनो गुइमारेस र विलियम ओसुलाले गारे ।

त्यसमध्ये ओसुलाको गोल ८८ औं मिनेटमा सम्भव भएको थियो । खेल बराबरीतर्फ अग्रसर भएको बेला नोमोहाले डिफेन्डिङ च्याम्पियनका लागि निर्णायक गोल गरेका हुन् ।