लिभरपुलका लागि इसाकको डेब्यु गोल

कीर्तिमान रकममा आएका एलेक्जान्डर इसाकले लिभरपुलका लागि मंगलबार डेब्यु गोल गरेका छन् र त्यसको मदतले लिभरपुलले लिगकपमा साउथह्याम्पनलाई २–१ ले पराजित गरेको छ ।

यो जितपछि लिभरपुल प्रतियोगिताको तेस्रो चरण पनि पुगेको छ । इसाकले आफ्नो २६ औं जन्मदिन मनाएको एक दिनपछि गोलको खाता खोलेका हुन् ।

साउथह्याम्पटनका लागि सि चार्ल्सले ७६ औं मिनेटमा गोल फर्काएपछि खेल रोमाञ्चक बनेको थियो । तर फेरि एकपल्ट खेल सकिन पाँच मिनेट अगाडि लिभरपुलले निर्णायक गोल आत्मसात् गर्न सफल रह्यो ।

त्यसमा ह्युगो एकिटिकेले निर्णायक गोल गरे । तर त्यस लगतै उनी रातो कार्ड खाएर मैदान छाड्न बाध्य रहे । गोल भएपछि खुसीयालीमा उनले जर्सि फुकालेका थिए । तर त्यो महँगो सावित भयो ।

अन्य प्रमुख खेलमा चेल्सीले लिन्कन सिटीलाई २–१, उल्भ्सले एभरटनलाई २–०, ब्राइटनले ब्रान्सलीलाई ६–० र कार्डिफ सिटीले बर्नलीलाई २–१ ले हरायो ।