ललितपुरको विजयी सुरुआत

काठमाडौं । ललितपुर क्विन्सले एभरेस्ट महिला भलिबल लिगमा विजयी सुरुआत गरेको छ।

त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा ललितपुरले सोमबार भएको उद्घाटन खेलमा काठमाडौं स्पाइकर्सलाई ३–१ को सेटमा पराजित गरेको हो।

पहिलो सेट २५–२० ले आफ्नो पक्षमा पारेको ललितपुरले दोस्रो सेट भने २१–२५ ले गुमायो। त्यसपछि लगातार दुई सेट २५–२१, २५–१९ ले आफ्नो पक्षमा पार्दै ३ अंक जोड्यो।