कराँतेमा नेपाललाई ऐतिहासिक रजत

१९औँ एसियाली खेलकुद (एसियाड) को १५औँ दिन नेपालले कराँते खेलमा ऐतिहासिक रजत पदक जितेको छ । 

शनिबार भएको महिला ६८ केजी तौलसमूहमा नेपालका लागि एरिका गुरुङले ऐतिहासिक रजत जितेका हुन्।

फाइनलमा उनी काजकिस्तानकी सोफ्या बेरुल्तसेभासँग ३–० अङ्कले पराजित भएकी हुन्।

नेपालले एसियाड कराँतेमा पहिलो पटक रजत पदक जितेको हो ।

एसियाडको इतिहासमा नेपालको यो समग्रमा तेस्रो रजत हो ।