युभेन्ट्सले गुमायो शीर्षमा उक्लने मौका

युभेन्ट्सले शनिबार इटालीको सिरी ए को शीर्षमा उक्लने अवसर गुमाएको छ र यसले डिफेन्डिङ च्याम्पियन नेपोलीलाई आफ्नो स्थिति अझ बलियो बनाउने अवसर हुनेछ ।

एटलान्टाले युभेन्ट्सलाई उसकै घरमा १–१ को बराबरीमा रोकेको हो । टुरिन क्लबको पाँच खेलबाट ११ अंक छ । नेपोली चार खेलबाट १२ अंकमा शीर्षमा छ ।

एटलान्टाले कमालादिन सुलेमानको गोलले अग्रता लिएको थियो, तर जुवान काबललले युभेन्ट्सका लागि बराबरी गोल फर्काए ।

लउतारो मार्टिनेज र फ्रान्सिस्को इस्पोसिटोको गोलले अर्को खेलमा भने इन्टर मिलानले कागलिरीलाई २–० ले हरायो ।