ट्युनेसियालाई हराएर जापान नकआउट चरण नजिक

जापानले विश्वकप २०२६ को आइतबार भएको खेलमा ट्युनेसियामाथि ४–० को प्रभावशाली जित दर्ता गरेको छ । यो नतिजाले जापान समूह एफ बाट नकआउट चरणको नजिक पुगेको छ । जापानले विश्वकपमा एकै खेलमा चार गोल गरेको यो नै पहिलो पल्ट हो ।

यस्तै जापान एसियाली देशमध्ये विश्वकपको एकै खेलमा चार गोल गर्ने पनि पहिलो टिम बनेको छ । जापानको दुई खेलबाट चार अंक भएको छ । यस्तै नेदरल्यान्ड्स पनि समान चार अंकमा रहेको छ । स्विडेन तीन अंकमा तेस्रो स्थानमा छ । लगातार दोस्रो खेलमा पराजित भएपछि ट्युनेसिया शून्य अंकमा प्रतियोगिताबाट बाहिरिएको छ ।

जापानले खेलको चौथो मिनेटमा दाइची कामाडाको गोलले अग्रता लिएको थियो । आयसे युएदाले ३१ औं मिनेटमा पेनाल्टी एरिया बाहिरबाट गरेको प्रहार गोलमा परिणत भएको थियो । जुनया इतोले ६९ औं मिनेटमा तेस्रो गोल थपे । खेलको ८३ औं मिनेटमा युएदाले चौथो गोल गरे र खेलमा नायक भए ।