मेस्सी चम्कदा इन्टर मियामीको सहज जित

इन्टर मियामीका लागि  सुरुवाती ११ मा परेको लियोनल मेस्सीले पहिलो हाफमा दुई गोल गरेपछि इन्टर मियामी लिग्स कपमा एट्लान्टा युनाइटेडलाई ४-० ले पराजित गर्दै नकआउट चरणमा स्थान बनाएको छ।मायमीको जितमा मेस्सीले र रोवर्ट टेलरले समान दुई दुई गोल गरेको थियो। 

खेलको आठौँ मिनेटमा मेस्सीले  सर्जियो बुस्केट्सको पासमा  प्रहार पोस्टमा लागी रिबाउन्डमा मेस्सीले पुन: प्रहार गर्दै गोल गरेको थियो ।

त्यस्तै खेलको २२ औं मिनेटमा मेस्सीले रोबर्ट टेलरको लो क्रसमा  गोलमा गर्दै मियामीलाई २-० गोलको अग्रता दिलैए। 

खेलको ४४ औं मिनेटमा बेन्जामिन क्रेसान्सीको पासमा टेलरले मायमीलाई ३-० ले अग्रता दिलाए । त्यस्तै खेलको ५४ औं मिनेटमा मेस्सीको पासमा टेलरले व्यक्तिगत दोस्रो गोल गर्दै ४-० को नतिजा दिलाए ।

यस जितसँगै मायमी समूह विजेताको रुपमा लिग्स कपको नकआउट चरणमा स्थान बनाएको छ । मायमीको २ खेलमा ६ अंक रहेको छ।