हेल्प नेपालको विजयी सुरुआत

काठमाडौं। विभागिय टोली एपीएफ क्लबलाई हराउँदै साविक विजेता हेल्प नेपाल स्पोर्ट्स क्लबले नवौं एनभीए महिला तथा पुरुष क्लब भलिबल च्याम्पियनसिपमा पुरुषतर्फ विजयी सुरुआत गरेको छ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा शुक्रबार सम्पन्न उद्घाटन खेलमा हेल्प नेपालले ३-० को सेटमा जित हात पारेको हो।

पहिलो सेट, २५-२१, दोस्रो सेट २५-२० तथा तेस्रो सेटमा २५-२० ले आफ्नो पक्षमा पार्न सफल भयो।

जितसँगै हेल्प नेपालले तीन अंक जोडेको छ।