महिला कबड्डीमा नेपाल इरानसँग पराजित

काठमाडौँ । चीनमा जारी १९औं एशियन गेम्सको महिला कबड्डीमा नेपाल इरानसँग ४३-१९ ले पराजित भएको छ।

इरान पछिल्लो एसियाली खेलकुदको महिला कबड्डीमा स्वर्ण पदक विजेता हो। यो जितपछि इरान प्रतियोगिताको सेमिफाइनल पुग्ने पनि निश्चित भएको छ।

नेपालले यसअघि समूह बी को खेलमा बंगलादेशलाई हराएको थियो। इरानविरुद्धको खेल गुमाए पनि प्रतियोगितामा नेपाल सेमिफाइनलमा पुग्ने र पदक जित्ने सम्भावना कायमै रहेको छ।