जर्मनी स्लोभाकियासँग स्तब्ध

जर्मनीले विश्वकप छनोटको आफ्नो पहिलो खेलमा शुक्रबार स्लोभाकियाको हातबाट २–० को स्तब्धपूर्ण हार बेहोरेको छ । जर्मनीको यो हारले उसलाई छनोट यात्रामा कठिनाई उत्पन्न हुन सक्नेछ ।

समूह ‘ए’ को खेलमा डेविड हान्कोको गोलले अग्रता लिएको स्लोभाकियाका लागि डेविड स्टलेचले दोस्रो गोल थपे । विश्वकप छनोटको इतिहासमा जर्मनी पराजित रहेको यो दुर्लभ चौथो पल्ट मात्रै हो ।

यसै समूहको अर्को खेलमा उत्तरी आयरल्यान्डले लक्जेम्बर्गलाई ३–१ ले पराजित गर्‍यो । यस्तै समूह ‘ई’ मा स्पेनले बुल्गेरियालाई ३–० ले हरायो भने समूह ‘जी’ मा नेदरल्यान्ड्स र पोल्यान्डले १–१ को बराबरी खेले ।