नयाँ घरमा एभरटनको विजयी सुरुआत

एभरटनले आफ्नो नयाँ घरेलु मैदान हिल डिकिन्सनमा आइतबार विजयी सुरुआत लिएको छ । इंग्लिस प्रिमियर लिगको खेलमा एभरटनले ब्राइटनलाई २–० ले हराएको हो ।

यसै सिजनदेखि गुडसन पार्क छाडेर एभरटनले हिल डिकिन्सनमा खेल्न थालेको हो । त्यहीं भएको प्रिमियर लिगको पहिलो पहिलो खेलमा इलिमन एनडिएले २३ औं मिनेटमा गोलको खाता खोले ।

त्यसपछि जेम्सन गारनरले ५२ औं मिनेटमा दोस्रो गोल थपे । आइतबारकै अर्को खेलमा क्रिस्टल प्यालेस र नटिङघम फरेस्टले १–१ को बराबरी खेले ।

प्यालेसले ३७ औं मिनेटमा इस्माइल सारको गोलले अग्रता लिएको थियो । तर त्यसलाई कायम भने राख्न सकेन् । फरेस्टका लागि कलम हडसन–ओडोईले ५७ औं मिनेटमा बराबरी गोल फर्काए ।