एभरेस्ट महिला भलिबल लिग : ६ टोली सार्वजनिक

काठमाडौं । एभरेस्ट महिला भलिबल लिगको पहिलो संस्करणमा ६ टोलीले सहभागिता जनाउने भएका छन्।

आयोजक इन्फिनिटी ड्रीम्स प्रालीले बिहीबार पत्रकार सम्मेलनको आयोजना गर्दै यस प्रतियोगितामा ६ टोलीलाई सहभागी गराउन लागिएको जानकारी दिएको हो।

आयोजकका अनुसार पहिलो संस्करणमा काठमाडौं, ललितपुर, मधेश, गण्डकी, चितवन र कर्णालीले सहभागिता जनाउने छन्।

इन्फिनिटी ड्रीम्स प्राली प्रबन्ध निर्देशक आमिर आख्तरका अनुसार मिति र लोगो करिब दुई सातापछि सार्वजनिक गर्ने जनाएका छन्।