एभरेस्ट महिला भलिबल लिगले २०२५ मा पुनः महिलाहरूका लागि १०० भन्दा बढी रोजगारी सिर्जना गर्दै

काठमाडौं, साउन ९ — खेलकुदमा महिलाको सशक्तिकरणतर्फको ऐतिहासिक कदमस्वरूप, वात्सल्य एभरेस्ट महिला भलिबल लिग (EWV) ले दोस्रो पटक पनि नेपाल लगायत अन्तर्राष्ट्रिय खेलकुद जगतमा उदाहरणीय बनेर १०० भन्दा बढी महिलाहरूका लागि रोजगारी सिर्जना गरेको छ।

पहिलो संस्करणमा लिगले ७२ जना  महिला खेलाडी, १५ जना व्यवस्थापन क्षेत्रमा, १० जना मिडिया क्षेत्रमा र ५ जना प्राविधिक क्षेत्रमा महिलालाई रोजगारीको अवसर दिएको थियो, र यो संख्या २०२५ को दोस्रो संस्करणमा अझै बढाउने योजनामा रहेको छ।

यससँगै, लिगले नेपालकै पहिलो र कनिष्ठ महिला खेलकुद लिग CEO, स्नेभी चापागाईंलाई नेतृत्वमा ल्याएर सशक्त सन्देश दिएको छ। त्यस्तै, सुबिक्षा खड्कालाई नेपालको खेलकुद इतिहासकै पहिलो महिला अक्सनियरका रूपमा चिनाएको छ, जसले १८ जुलाईमा EWVL द्वारा आयोजित पहिलो महिला भलिबल अक्सनको संचालन गरिन्।

यी सबै तथ्यांकहरूले देखाउँछ कि लिग महिलालाई परम्परागत रूपमा पछाडि पारिएको खेल व्यवस्थापनमा समावेश गराउँदै समावेशी विकास र लैङ्गिक समानताको गहिरो प्रतिबद्धता दर्शाउँदै छ।

EWV ले खेलकुद प्रशासनमा परम्परागत संरचनालाई चुनौती दिँदै, महिलाहरूका लागि नेतृत्व र प्राविधिक भूमिकामा स्थान दिलाउने कार्य गरिरहेको छ। लिगले आफ्नो नारा #अबपालोमहिलाकोलाई सार्थक रुपमा जीवन्त बनाइरहेको छ।

विश्वभर नै खेल नेतृत्वमा महिलाको सहभागिता न्यून रहेको बेला, EWV ले नयाँ मानक कायम गर्दैछ। यो लिग खेलाडी सीमित नभई खेल व्यवस्थापन, प्रसारण, डिजिटल मिडिया, लगिस्टिक र टिम अपरेसन जस्ता क्षेत्रमा पनि महिलाहरूलाई रोजगारीको अवसर दिइरहेको छ, जसले महिलाहरूका लागि सुरक्षित आर्थिक अवसरको वातावरण सिर्जना गरिरहेको छ।

नेपालको खेलकुद परिदृश्यमा परिवर्तन ल्याउँदै, यो लिग अहिले महिलामैत्री खेल नवप्रवर्तनको नमुनाका रूपमा विश्वमै चासोको विषय बन्दैछ। खेलकुदको सम्पूर्ण क्षेत्रमै महिलाको आवाज र उपस्थिति बिस्तार गर्दै, वात्सल्य EWV एक वैश्विक उदाहरणको रूपमा उदाउँदै छ।

लिगको दायरा र प्रभाव निरन्तर बढ्दै जाँदा, यसले नेपाल र दक्षिण एसियाभरका युवतीहरूका लागि नयाँ ढोका खोल्ने अपेक्षा गरिएको छ, जसले खेलकुदमा अधिक समान र समावेशी भविष्य निर्माणको आधार तयार गर्नेछ।