युरोपा लिग अन्तिम १६ को समीकरण पूरा

नटिङघम फरेस्ट बिहीबार युरोपा लिगको प्ले अफ दोस्रो लेगमा फेनाबाचेसँग २–१ ले पराजित भएको छ । तर पहिलो लेगमा प्राप्त ३–० जितको आधारमा समग्रमा ४–२ ले अगाडि रहेर अन्तिम १६ मा स्थान बनाउन सफल रह्यो ।

सेल्टिक भने उत्तिकै भाग्यमानी रहेन् । स्टुटगार्ट सेल्टिकसँग १–० ले पराजित भएता पनि समग्रमा ४–२ ले अगाडि रहेर अर्को चरण पुग्यो । बिहीबारका खेलपछि युरोपा लिगको अन्तिम १६ मा पुग्न सबै टिमको टुंगो लागेको छ ।

त्यस अनुसार प्ले अफबाट अन्तिम १६ पुग्न सफल अन्य टिममा बोलोग्ना, सेल्टा भिगो, फेरेन्कभारोस, जेन्क, लिल र प्यानाथिनाइकोज रहेका छन् ।

यसअघि नै लिग चरणको समाप्तीमा शीर्ष आठमा रहेर लियोन, एस्टन भिल्ला, मिडट्जल्यान्ड, रिेयल बेटिस, पोर्टो, ब्राग, फ्रेबर्ग र रोमा अन्तिम १६ मा पुगिसकेका छन् ।