घानामाथिको सांघुरो जितपछि कोलम्बिया अर्को चरणमा

जोन एरिसको एक मात्र गोलको मदतले कोलम्बियाले विश्वकप २०२६ मा शनिबार घानामाथि १–० को सांघुरो जित रच्दै प्रतियोगिताको अन्तिम १६ को चरणको टिकट काटेको छ । यस खेलसँग अन्तिम ३२ का सबै खेल टुंगिएका छन् ।  

कोलम्बिया अर्को चरण पुग्ने अन्तिम टिम रह्यो । कानसास सिटीमा भएको खेलमा कोलम्बियाका लागि निर्णाइक गोल एरिसले १४ औं मिनेटमा गरे । लुइस स्वारेजले निकालेको क्रसमा अनमार्क रहेका एरिसलाई गोल गर्न केही गाह्रो भएन् ।

पूरा खेल अवधिमा कोलम्बिया हाबी रह्यो, त्यसैले उनको जित पनि स्वभाविक रह्यो । अब अन्तिम १६ को चरणमा कोलम्बियाले स्विटजरल्यान्डको सामना गर्ने छ । हारपछि घाना अब घर फर्किनेछ ।