सिटी हार्‍यो टोटेनहमसँग

म्यानचेस्टर सिटी इंग्लिस प्रिमियर लिग २०२५–२०२६ को आफ्नो दोस्रो खेलमा शनिबार पराजित भएको छ । इतिहाडमा भएको खेलमा सिटीलाई टोटनहमले २–० ले पराजित गरेको हो ।

यस नतिजासँगै टोटनहमले नयाँ सिजन लिगमा उत्कृष्ट सुरुआत लिएको छ र लगातार दोस्रो जित निकाल्दै छ अंक बटुलेको छ । यो जितपछि उत्तरी लन्डन क्लब अंक तालिकाको शीर्षमा पनि उक्लेको छ ।

सिटी भने तीन अंकमै सीमित रह्यो । टोटनहमका दुवै गोल पहिलो हाफको अन्त्यतिर सम्भव भएको थियो । ब्रेनन जोन्सनले ३५ औं मिनेटमा गोलको खाता खोले ।

त्यसपछि जाओ पाल्हिन्हाले इन्ज्युरी समयको दोस्रो मिनेटमा अर्को गोल थपे । नयाँ प्रशिक्षकका रूपमा थोमस फ्रान्क आएयता टोटनहले यो सिजन राम्रो प्रदर्शन गर्ने अपेक्षा गरिएको छ ।