चेल्सीसँग हारेपछि वेस्ट ह्याम दबाबमा

चेल्सीले इंग्लिस प्रिमियर लिगमा शुक्रबार राति वेस्ट ह्यामलाई ५–१ ले पराजित गरेको छ । चेल्सीले लन्डन डर्बीको यो जित वेस्ट ह्यामको मैदानमा सजिलै प्राप्त गरेको हो ।

लुकास पाक्वेटाको गोलले वेस्ट ह्यामले छैटौं मिनेटमा अग्रता लिएको थियो । तर त्यसपछि चेल्सीका लागि जाओ पेड्रो, पड्रो नेटो, इन्जो फर्नान्डेज, मोइस काइसेडो र ट्रेलोह चालोबहले गोल गरे ।

चेल्सीको यो जितसँगै दुई खेलबाट चार अंक भएको छ । वेस्ट ह्याम भने लगातार दोस्रो हारसँगै पुछारमा रह्यो र यससँगै दबाबमा पनि आएको छ ।