काभा यु-२० महिला भलिबल : पहिलो खेलमा नेपाल पराजित

काठमाडौं । काभा यु-२० महिला भलिबल च्याम्पियनसिप नेपाल पहिलो खेलमा पराजित भएको छ।

माल्दिभ्सको माले सिटीस्थित सोसल सेन्टरमा बिहीबार राति सम्पन्न खेलमा नेपाल श्रीलंकासँग ३-१ को सेटमा पराजित भएको हो।

पहिलो सेट २५-२० ले गुमाएको नेपालले त्यसपछि दोस्रो सेट २४-२६ ले आफ्नो पक्षमा पारेको थियो।

तर, तेस्रो सेटमा नेपाल २५-११ मै रोकियो। चौथो सेटमा सुरुआती समय अग्रता बनाएको नेपालले अग्रता काय राख्न नसक्दा २५-१८ ले गुमाउँदै पराजय व्यहोर्नुपरेको थियो।