बुंडेसलिगामा केनको शतकीय गोल

माइकल ओलिसको ह्याट्रिकको मदतले बायर्न म्युनिकले जर्मन बुंडेसलिगामा शुक्रबार युनियन बर्लिनलाई एकपक्षीय ढंगले ७–० ले पराजित गरेको छ । यो जितपछि चर्चाको केन्द्रमा भने ह्यारी केन रहे ।

उनले एलिनाज एरेनामा दुई गोल गरेपछि बुंडेसलिगामा सबैभन्दा चाँडै सय गोल पूरा गर्ने खेलाडी पनि बनेका छन् । लिगमा आफ्नो ९८ औं खेल खेल्नेक्रममा उनले १०० र १०१ औं गोल पूरा गरे ।

यस्तै जमल मुसिएला र इस्माल साइबरीले पनि एक एक गोल गरे । यो जितपछि डिफेन्डिङ च्याम्पियनकोे चार खेलबाट १० अंक भएको छ । बर्लिन भने एकै अंकमा मात्र सीमित छ र १६ औं स्थानमा छ ।