ब्राइटनसँग लिभरपुल स्तब्ध

ब्राइटनले इंग्लिस प्रिमियर लिगमा लिभरपुललाई शनिबार २–१ ले पराजित गरेको छ र यो जितका नायक रहे, ड्यानी वेलब्याक । उनले १४ तथा ५६ औं मिनेटमा दुई गोल गरे र आफ्नो टिमलाई बहुमूल्य तीन अंक दिलाए ।

खराव लयमा रहेको लिभरपुलका लागि मिलोस केरकेजले एक गोल फर्काए । यो नतिजापछि लिभरपुल ४९ अंकमा पाँचौ स्थानमा रह्यो र उसको अर्को सिजन युरोपेली च्याम्पियन्स लिग खेल्ने सम्भावना कमजोर बन्यो ।

ब्राइटन भने ४३ अंकमा आठौं स्थानमा उक्लेर आफ्नो स्थिति बलियो बनाएको छ र अर्को सिजन युरोपमा खेल्ने सम्भावना जीवन्त बनाएको छ ।