जमैका र फ्रान्च नकआउट चरणमा प्रवेश, ब्राजिल पहिलो पटक समूह चरणबाटै बाहिरियो

जमैका पहिलो पटक महिला विश्वकपको नकआउट चरणमा प्रवेश गरेको छ । बुधबार साझ भएको खेलमा ब्राजिलसंग गोल रहित बराबरी खेल्दा ब्राजिल पहिलो पटक समूह चरणबाटै निराशाजनक बाहिरिएको छ  ।

यस बराबरीसँगै जमैका भने ३ खेलबाट ५ अंक जोड्दै समूहको एफको उप विजेता बनेर अन्तिम १६ मा  प्रवेश गरेको छ । ब्राजिल ४ अंकका साथ तेश्रो स्थानमा रहेर विश्वकपबाट बाहिएको छ ।

यस्तै समूह एफ अन्तर्गत आज नै भएको अर्को खेलमा पनामालाई ६-३ गोलले पराजित गर्दै फ्रान्स समूह विजेताको रुपमा अन्तिम १६ मा प्रवेश गरेको छ ।

समूह एफबाट फ्रान्स ३ खेलमा ७ अंकका साथ शिर्ष स्थानमा रहेको छ भने  पानामा शुन्य अंकका साथ समूहको पुछारमा रहँदै विश्व कपबाट बाहिरीएको छ।