बायर्नको जितमा केनको ह्याट्रिक

इंग्ल्यान्ड कप्तान ह्यारी केनको ह्याट्रिकको मदतले बायर्न म्युनिकले जर्मन बुंडेसलिगामा शुक्रबार राति आरबी लाइपजिगलाई सजिलै ६–० ले हराएको छ ।

यससँगै डिफेन्डिङ च्याम्पियन बायर्नले लिगको नयाँ सिजन विजयी सुरुआत लिएको छ र लिग तालिकाको शीर्ष स्थान हात पारेको छ ।

बायर्नका लागि मिचेल ओलिसले दुई तथा लुइस डियाजले एक गोल गरे । केनले ६४, ७४ र ७७ औं मिनेटमा गोल गर्दै ह्याट्रिक पूरा गरेका हुन् ।