बार्सिलोनाको उत्कृष्ट पुर्नआगमन जित

बार्सिलोनाले दुई गोलले पछाडि रहेको स्थिति उल्टाएर शनिबार स्पेनी ला लिगामा लेभान्टेलाई ३–२ ले हराएको छ । उत्कृष्ट पुर्नआगमन रच्दै बार्सिलोनाले दुई खेलबाट छ अंक पनि बटुलेको छ ।

यसै सिजन माथि उक्लेको लेभान्टेले इभान रोमेरो र जोसे लुइसको गोलले अग्रता लिएको थियो । त्यसपछि पेड्रि तथा फेरान टोरेले बार्सिलोनाका लागि गोल गरे र खेल बराबरीमा रह्यो ।

अन्त्यमा उनाइ इगेगाबालले दोस्रो हाफको इन्ज्युरी समयमा आत्मघाती गोल गरेपछि बार्सिलोना विजयी रहेको हो । अर्को खेलमा एटलेटिको म्याड्रिड इल्चेसँग १–१ को बराबरीमा रोकियो ।