बार्सिलोना फेरि चार अंकले अगाडि

बार्सिलोनाले स्पेनी ला लिगामा आइतबार एथलेटिको बिलबाओलाई १–० ले पराजित गरेको छ र लिग तालिकाको शीर्षमा फेरि चार अंकको अग्रता प्राप्त छ । उसका लागि किशोर स्टार खेलाडी लामिन यामलले ६८ औं मिनेटमा निर्णाइक गोल गरे ।

यसले लिगको शीर्षमा बार्सिलोनाको पकड कायम रह्यो । यो जितपछि बार्सिलोनाको २७ खेलबाट ६७ अंक भएको छ । रियल म्याड्रिड ६३ अंकमा दोस्रो स्थानमा छ । यस्तै बिलबाओ भने ३५ अंकमा नवौं स्थानमा रह्यो ।

अर्को खेलमा एटलेटिको म्याड्रिडले रियल सोसिडाडलाई ३–२ ले हरायो र ५४ अंकमा तेस्रो स्थानमा रह्यो । पराजित सोसिडाड भने ३५ अंकमा आठौं स्थानमा छ ।