बार्सिलोनाको शतप्रतिशत सुरुआत कायम

बार्सिलोनाले स्पेनी ला लिगामा आइतबार आफ्नो शतप्रतिशत सुरुआत कायम राख्ने क्रममा लेभान्टेलाई ४–२ ले हराएको छ र त्यसमा लामिन यामलले दुई गोल गरे । बार्सिलोनाको १५ अंक छ भने रियल म्याड्रिड १२ अंकमा दोस्रो स्थानमा छ ।

आइतबारकै अर्को खेलमा एटलेटिको म्याड्रिडले स्पेनी ला लिगामा आइतबार रियल सोसिडाडलाई ३–० ले हराएको छ । खेल बराबरीतर्फ अग्रसर भइरहेको बेला एटलेटिकोले ८४ मिनेटपछि तीन गोल गरेको हो । एलेक्स ग्रिमाल्डोले पेनाल्टीबाट पहिलो गोल गरे ।

त्यसपछि जोनाथन डेविड र गुलियानो सिमोनीले एक एक गोल थपे । यो जितपछि एटलेटिकोको पाँच खेलबाट १० अंक भएको छ र चौेथो स्थानमा उक्लेको छ । एलाभेस पनि समान १० अंकमा तेस्रोमा छ ।