कृष्णमोहन स्मृति ब्याडमिन्टनको उपाधि प्रिन्स र रशिलालाई

काठमाडौ- १६औं कृष्णमोहन स्मृति राष्ट्रिय खुला ब्याडमिन्टनको उपाधि पुरुषतर्फ एपीएफ क्लबका प्रिन्स दाहाल र महिलातर्फ त्रिभुवन आर्मी क्लबकी रशिला महर्जनले जितेका छन् ।

फाइनल खेलमा प्रिन्स दाहालले त्रिभुवन आर्मी क्लबका रुकेश महर्जनलाई  २१–११ र  २१–११ ले पराजित गरी उपाधी जितेका हुन्। 

त्यस्तै महिला एकलतर्फको फाइनल खेलमा त्रिभुवन आर्मी क्लवकी रसिला महर्जनले नेपाल एपिएफ क्लवकी जेसिका गुरुङलाई २१–१९, १५–२१ र २१–१७ ले पराजित गरी उपाधि हात पारेकी छन्।