अस्ट्रेलियाको बंगलादेशमाथि इनिङ्स अन्तरले विजयी

अस्ट्रेलियाले दोस्रो तथा अन्तिम टेस्टमा आइतबार बंगलादेशमाधि एक इनिङ्स र ५१ रनको जित निकालेको छ ।  यससँगै दुई टेस्टको सिरिज १–१ को बराबरीमा टुंगेको छ । 

पहिलो टेस्ट जितेर बंगलादेशले एतिहासिक प्रदर्शन गरे पनि दोस्रोमा खराब खेल खेल्यो । विशेषतः ब्याटिङमा खराब प्रदर्शन रह्यो । 

बंगलादेश आफ्नो दोस्रो इनिङ्समा ९५ रनमा अलआउट भएपछि अस्ट्रेलिया ठूलो अन्तरले विजयी रहेको हो । कप्तान नजमुल हुसेनले ३१ र मुसफकिर रहिमले २९ रन बनाए । 

अस्ट्रेलियाली बलरमध्ये माइकल स्टार्कले ३९ रनमा चार विकेट लिए । यस्तै प्याट कमिन्स र नथान लियोनले तीन तीन विकेट लिएर स्टार्कलाई बलियो साथ दिए । 

अस्ट्रेलियाले आफ्नो पहिलो इनिङ्समा २ सय १० रन बनाएको थियो । बंगलादेश भने आफ्नो पहिलो इनिङ्समा ६४ रनमै समेटिएको थियो ।