अस्ट्रेलियालाई हारबाट जोगिन दबाब

अस्ट्रेलिया र बंगलादेशबीच चलिरहेको पहिलो टेस्टको तेस्रो दिन शनिबार घरेलु टिम हारबाट जोगिन संघर्षरत रहेको छ । डारविनमा भइरहेको टेस्टको तेस्रो दिन समाप्त हुँदा अस्ट्रेलिया अझै ६७ रनले पछाडि छ ।

घरेलु टिमले आफ्नो दोस्रो इनिङ्स सुरु गर्दै ४ विकेटमा १ सय ६१ रन बनाएको छ । त्यसमा एलेक्स क्यारी १९ र क्यामरुन ग्रिन ४३ रन बनाएर खेलिरहेका छन् । हसन महमुदले ३३ रनमा दुई विकेट लिएका छन् ।

त्यस अगाडि बंगलादेशले आफ्नो पहिलो इनिङ्समा अलआउट हुन अगाडि ४ सय २६ रन बनाएको थियो र यस क्रममा पहिलो इनिङ्समा २ सय २८ रनको अग्रता लिएको थियो । अस्ट्रेलिया आफ्नो पहिलो इनिङ्समा १ सय ९८ रन मात्र बनाउन सफल रहेको थियो ।