उल्भ्ससँग आर्सनलको बराबरी

आर्सनलले इंग्लिस प्रिमियर लिगमा बुधबार लिग तालिकाको पुछारमा रहेको उल्भ्स निराशाजनक २–२ को बराबरी खेलेको छ र यसले उसको लिग जित्ने अभियानमा बुधबार ठूलो धक्का लागेको छ । 

गत साता पनि ब्रेन्टफोर्डसँग बराबरी खेलेको आर्सनल ५८ अंकमा शीर्ष स्थानमा त छ्, तर यो दोस्रो स्थानमा रहेको म्यानचेस्टर सिटीसँग ५ अंकको दूरी मात्र हो । सिटीले एक खेल कम खेलेको छ र अब आसर्नलमाथि दबाब सिर्जना गर्न सक्नेछ ।

 
बुकायो साका र पिएरो हिनकापिएको गोलले आर्सनलले दुई गोलको अग्रता लिएको थियो । ह्युगो बेनोले उल्भ्सका लागि एक गोल फर्काएपछि रिकार्डो कालाफिओरीले इन्ज्युरी समयमा आत्मघाती गोल गरे र आर्सनले जितबाट वञ्चित रह्यो ।