एन्फाद्वारा नेपाल र बंगलादेशबीचको खेल रद्द

काठमाडौं– अखिल नेपाल फुटबल संघ (एन्फा) ले नेपाल र बंगलादेशबीच मंगलबार हुनु पर्ने दोस्रो अन्तर्राष्ट्रिय मैत्रीपूर्ण खेल रद्द गरिएको छ । एन्फा) ले सोमबार विज्ञप्ती जारी गर्दै खेल नहुने बताएको हो ।

एन्फा प्रवक्ता सुरेश शाहले विज्ञप्तीमा भनेका छन्, ‘देशमा देखा परेको हालको अवस्थालाई मध्यनजर गरेर खेल स्थगित गरिएको छ । यस स्थगनले सम्पूर्ण फुटबल समर्थकहरूमा पर्न जाने असुविधाप्रति हामी हार्द्धिक क्षमाप्रार्थी छौं ।’

बंगलादेशी राष्ट्रिय टिम फिफा–विन्डोमा दुई अन्तर्राष्ट्रिय खेल खेल्न काठमाडौं आएको थियो । त्यसमध्ये दुई टिमबीचको पहिलो खेल शनिबार भएको थियो र त्यसमा कुनै गोल हुन नसकेपछि बराबरीमा टुंगेको थियो ।