पुलिसको विजयी सुरुआत

काठमाडौ- प्रथम पोष्ट बहादुर बोगटी स्मृति कप राष्ट्रिय पुरुष भलिबल प्रतियोगितामा नेपाल पुलिस क्लबले विजयी सुरुआत गरेको छ ।

राष्ट्रिय खेलकुद परिषदको कभर्डहल त्रिपुरेश्वरमा भएको उद्घाटन खेलमा पुलिसले एपीएफ क्लबलाई ३-० को सोझो सेटमा पराजित गरेको हो।

पुलिसले एपीएफलाई पहिलो सेट २५-२१, दोस्रो सेट २५-२२ र तेस्रो सेट २६-२४ ले पराजित गरेको हो ।

प्रतियोगितामा तीन विभागीयसहित गण्डकी र सुदूरपश्चिम गरि ५ टोलीको सहभागिता रहेको छ ।

प्रतियोगिताको विजेताले ४ लाख तथा उपविजेताले २ लाख रुपैयाँ प्राप्त गर्दा तेस्रो हुने टोलीले नगद रु १ लाख रुपैयाँ प्राप्त गर्नेछ।