सन्दीपविरुद्धको मुद्दामा पीडित किशोरीकी आमाको जन्ममिति पुष्टि हुने कागजात झिकाउन आदेश

काठमाडौं– जिल्ला अदालत काठमाडौंले नाबालिग बलात्कारको आरोप लागेका क्रिकेटर सन्दीप लामिछानेविरुद्धको मुद्दामा पीडितकी आमाको जन्ममिति पुष्टि हुने कागजात झिकाउन आदेश दिएको छ।

आज न्यायाधीश राजुकुमार खतिवडाको इजलासले पीडितकी आमाको जन्ममिति पुष्टि गर्न आदेश दिएको सन्दीपका वकिल मुरारी सापकोटाले बताए।

पीडितको उमेरसम्बन्धी कागजातमा उनकी आमाकै उमेर दुई वटा देखिएपछि इजलासले जन्ममिति यकिन गर्न आदेश दिएको हो।