रोनाल्डोले अन्तिम मिनेटमा गोल गर्दा अल नासर क्वाटरफाइनलमा

काठमाडौं । पोर्चुगलका कप्तान तथा भेट्रान्स फरवार्ड क्रिस्टियानो रोनाल्डोको निर्णयक गोलमा अल नासर अरब क्लब च्याम्पियनसिपको क्वाटरफाइनलमा पुगेको छ ।

विहिबार राति सम्पन्न खेलमा अल नासर इजिप्टको क्लब जामालेकसँग १-१ गोलको बराबरीमा रोकिएपछि समुह सी मा दोस्रो स्थानमा रहदै अल नासर क्वाटरफाइनलमा पुगेको हो ।

खेलमा १-० गोलले पछि परेको अल नासरलाई खेलको ८७औँ मिनेटमा रोनाल्डोले गोल गर्दै खेल बराबरी गरेका थिए ।

त्यस्तै जामालेकका लागि खेलको ५३औं मिनेटमा अहमद साएदले पेनाल्टीमार्फत गोल गरेका थिए ।