मैत्रीपुर्ण खेलमा रामेछापविरुद्ध मछिन्द्र विजयी

एएफसी कप छनोटको प्रारम्भिक चरण खेल्न लागेको मछिन्द्र फुटबल क्लबले अभ्यास खेलमा रामेछाप फुटबल क्लबलाई पराजित गरेको छ।

सातदोबाटोस्थित एन्फा कमप्लेक्समा भएको खेलमा मछिन्द्र ६-० गोलअन्तरले विजयी भएको हो।

मछिन्द्रका लागी आशिष चौधरीले सर्वाधिक दुई गोल गर्दा लकेन लिम्बु, आयुस घलान, रेजिन सुब्बाले समान १-१ गोल गरे।

मछिन्द्रले प्रारम्भिक चरणमा भुटानको पारो एफसीसँग खेल्दै छ। छनोट खेल आगामी अगस्ट ८ मा हुनेछ।

मछिन्द्रले यस खेलका लागी चर्च ब्वाइजबाट आसिष चौधरी, संकटाका आयुश घलान, संकटाकै एरिक विष्ट, थ्रीस्टारका लाकेन लिम्बू, एफसी खुमलटारका मेसुके ओलोमाउ, एपीएफका सनिश श्रेष्ठ, खुमलटारका रेजिन सुब्बा र रोहित सुब्बा  भित्र्याएको हो।