पुरुष भलिबल टिम एसियाली खेलकुदबाट बाहिरियो

काठमाडौँ । नेपाली राष्ट्रिय पुरुष भलिबल टिम एशियाली खेलकुद प्रतियोगिताबाट बाहिरिएको छ। 

एशियाली खेलकुदमा लगातार दोस्रो खेलमा पराजित हुँदै नेपाल एशियाली खेलकुदबाट बाहिरिएको हो।  

समूह बी मा रहेको नेपाल इरानसँग २५-९, २५-१५ र २५-१३ को सोझो सेटमा पराजित भएको हो।

इरान पछिल्ला दुई एसियाली खेलकुदमा पुरुष भलिबलमा स्वर्ण पदक जितेको टिम हो।

नेपाल यसअघि बहराइनसँग २०-२५, २५-२०, २५-१८, र २५-१५ को ३-१ को सेटमा पराजित भएको थियो। 

प्रतियोगितामा सहभागी कुल टिमलाई छ समूहमा विभाजन गरिएको छ र प्रत्येक समूहबाट दुई टिमले अघिल्लो चरणमा प्रवेश पाउने छन्।