बंगलादेशलाई हराउदै नेपाल काभा भलिबलको सेमिफाइनलमा

काठमाडौ- एनएससी-काभा महिला भलिबल च्यालेन्ज कपमा बंगलादेशलाई पराजित गर्दै नेपाल सेमिफाइनलमा पुगेको छ।

त्रिपुरेश्वरस्थित राष्ट्रिय खेलकुद परिषद्को कभर्डहलमा आज भएको तेस्रो खेलमा नेपालले बॅगलादेशलाई (२५ः१०,२८ः८ र २५ः९) गरि ३-० को सोझो सेटमा पराजित गरेको हो।

यो जितसंगै नेपाल दुईखेल अघिनै सेमिफाइनल प्रवेश गरेको हो। त्यस्तै भारत पनि नेपालसंगै समुह ए बाट सेमिफाइनल प्रवेश गरेको छ।

उता कीर्गिस्तान र बांगलादेश प्रतियोगिताबाट बाहिरिएका छन्।

प्रतियोगिताको समूह ए मा नेपाल र किर्गिस्तानसहित भारत र बंगलादेश छन् । त्यस्तै समूह बी मा काजाखस्तान, उज्वेकिस्तान, श्रीलंका र माल्दिभ्स छन् ।

दुई समूहको राउन्ड रोविन लिगपछि शीर्ष २ टोलीले सेमिफाइनलमा र पुछारमा रहेका दुई टोलीले वरियताका लागि प्रतिस्पर्धा गर्नेछन् ।