राष्ट्रिय पुरुष भलिबल टिमका लागी खुला छनोट हुने

काठमाडौ- नेपाल भलिबल संघले नेपाली  राष्ट्रिय पुरुष टिमको निर्माण गर्न खुला छनोट गर्ने भएको छ ।

उक्त टिमले एसियन गेम्स र काभा नेशन्स लिगमा सहभागिता जनाउनेछ।

नेपाल भलिबल संघले चीनको हान्झोउमा हुने एसियन गेम्स र कीर्गिस्तानमा हुने काभा नेशन्स लिगका लागि खेलाडीको खुला छनोट गरिने जनाएको छ ।

छनोट कार्यक्रम संघले २०८० वैशाख २०, २१ र २२ गते त्रिपुरेश्वरस्थित राखेप कभर्डहलमा गराउने भएको हो।

एसियन गेम्स सेप्टेम्बर २३ देखि अक्टोबर ८ सम्म चीनमा हुँदैछ । यस्तै काभा पुरुष नेसन्स लिग जुन १६ देखि २५ सम्म कीर्गिस्तानको बिस्केकमा हुनेछ ।