भारत काभा भलिबलको फाइनलमा

काठमाडौ- उज्वेकिस्तानलाई हराउदै भारत जारी एनएससी–काभा महिला भलिबलको फाइनलमा प्रवेश गरेको छ ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा आज भएको पहिलो सेमिफाइनलमा उज्वेकिस्तानलाई सोझो सेटमा पराजित गर्दै भारत विजयी भएको हो ।

पहिलो सेट भारतले २५ः१७ को सेटले ले जितेको थियो। त्यसपछि दोस्रो सेटमा केहि हावि बनेको उज्वेकिस्तानले खेलमा ६ अंकसम्मको अग्रता बनाएपनि त्यसलाई बचाउन नसक्दा २०ः२५ ले पराजित भएको थियो।

अन्तिम सेटमा एकतर्फि बनेको भारतले २५ः१५ को सेटमा जित्दै ३-० को सोझो सेटमा विजयी भएको हो।

भारतले अब उपाधिका लागी काजाख्तान र नेपालबिचको विजेतासंग खेल्नेछ।