काभा भलिबलमा कीर्गिस्तानलाई पराजित गर्दै भारत सेमिफाइनल नजिक

काठमाडौ- एनएससी-काभा महिला भलिबल च्यालेन्ज कपमा बलियो टोलि भारतले कीर्गिस्तानविरुद्ध विजयी हुदै सेमिफाइनल नजिक पुगेको छ।

त्रिपुरेश्वरस्थित राष्ट्रिय खेलकुद परिषद्को कभर्डहलमा आज भएको पहिलो खेलमा भारतले कीर्गिस्तानविरुद्ध (२५ः१७,२५ः८ र २५ः८) गरि ३-० को सोझो सेटमा जित निकालेको हो।

कीर्गिस्तानको यो लगातार दोस्रो पराजय हो। भारतले पहिलो खेलमा बांगलादेशलाई पराजित गरेको थियो। योसँगै भारतले २ खेलबाट ६ अंक बनाएको छ ।

आजै हुने खेलमा नेपालले बांगलादेशलाई पराजित गरेको अवस्थामा समुह ए बाट नेपाल र भारतल् सेमिफाइनलमा स्थान बनाउने छन्।

प्रतियोगिताको समूह ए मा नेपाल र किर्गिस्तानसहित भारत र बंगलादेश छन् । त्यस्तै समूह बी मा काजाखस्तान, उज्वेकिस्तान, श्रीलंका र माल्दिभ्स छन् ।

दुई समूहको राउन्ड रोविन लिगपछि शीर्ष २ टोलीले सेमिफाइनलमा र पुछारमा रहेका दुई टोलीले वरियताका लागि प्रतिस्पर्धा गर्नेछन् ।