नेसनल चेस च्याम्पियनसिप बैशाख ५ देखि हुने

काठमाडौ- नेपाल बुद्धिचाल महासंघको आयोजनामा नेसनल चेस च्याम्पियनसिप हुने भएको छ ।

आयोजक बुद्धिचाल महासंघले  च्याम्पियनसिप बैशाख ५ देखि सुरु भएर १० गतेसम्म संचालन हुने आज पत्रकार सम्मेलन गर्दै जानकारि दिएको छ ।

प्रतियोगिता काठमाडौं लाजिम्पाटस्थित होटल ले हिमालयमा महासंघ र लुम्बिनी इभेन्ट म्यानेजमेन्टको संयुक्त आयोजनामा हुनेछ।

राउन्ड रोविन आधारमा सञ्चालन हुने च्याम्पियनसिपमा दुवै विधामा १०-१० जना खेलाडीको सहभागीता रहने छ ।

च्याम्पियनसिपका विजेताले आगामी मे १ देखि ११ सम्म बंगलादेशको ढाकामा आयोजना हुने फिडे जोन ३.२ चेस च्याम्पियनसिप एवं कजकस्तानको आस्थानामा जुन ५ देखि १५ सम्म हुने एशियन कन्टिनेन्टलमा सहभागीता जनाउने छन् । 

त्यस्तै त्यसैगरी २०२४ मा हंगेरीको बुढापेस्टमा हुने ४५ औं चेस ओलम्पियाडमा समेत सहभागिता सुनिश्चित गर्नेछन् ।