सूर्य नेपाल एनपिजीए टुर च्याम्पियन्सिप वैशाख ४ गतेदेखि हुने

काठमाडौ- सूर्य नेपाल गल्फ टुर २०२२-२३ को सातौं इभेन्ट सूर्य नेपाल एनपिजीए टुर च्याम्पियन्सिप गोकर्ण गल्फ क्लब वैशाख ४ गते सोमबार अर्थात भोलिदेखी सुरु हुने भएको छ।

नेपाल गल्फर एसोसियनले आइतबार पत्रकार सम्मेलनमार्फत प्रतियोगिता गोकर्ण गल्फ हुने जनाकारी दिएको हो ।

चार दिन चल्ने प्रतियोगितामा ७२ होलमा प्रतिस्पर्धा हुनेछ । प्रतियोगितामा भुवन नगरकोटी, जयराम श्रेष्ठ, संजय लामा, धन थापा, रामे थापा मगर, निरज तामाङ,  रवी खड्का, सद्भाव आचार्य , सुवास तामाङ  लगायतले प्रतिस्पर्धा गर्ने छन् ।

प्रतियोगिताको विजेताले एक लाख ४० हजार, उपविजेताले ९० हजार तथा तेस्रो स्थान हासिल गर्नेले ६७ हजार रुपैयाँ प्राप्त गर्नेछन् ।