काभा भलिबलमा आज चार खेल, नेपालले बंगलादेशसँग खेल्दै

काठमाडौ- जारि एनएससी–काभा वुमन्स भलिबल च्यालेन्ज कपमा आज चार खेल हुदैछन्।

पहिलो खेलमा भारत र कीर्गिस्तानबीचको खेल बिहान १० बजे सुरु हुनेछ । भारत पहिलो खेलमा विजयी हुदा कीरिगिस्तान पराजित भएको थियो।

दोस्रो खेलमा श्रीलंका र काजकस्तानबीचको खेल साढे १२ बजे हुनेछ।

तेस्रो खेलमा नेपालले बंगलादेशसंग खेल्दैछ। खेल दिउँसो ३ बजे सुरु हुनेछ । आजको खेल जितेमा अन्तिम खेलअघि नै नेपालले सेमिफाइनलमा स्थान बनाउने छ।

नेपालले पहिलो खेलमा किर्गिस्तानलाई सोझो सेटमा पराजित गर्दै विजयी सुरुवात गरेको थियो।

आज हुने अन्तिम खेलमा उज्वेकिस्तान र माल्दिभ्सबीचको खेल साढे ६ बजे सुरु हुनेछ ।

काजस्तानले पहिलो खेलमा माल्दिभ्सलाई हराउँदा उज्वेकिस्तानले श्रीलंकालाई पराजित गरेको थियो ।