काभा महिला भलिबल च्यालेन्ज कपको तयारी पूरा

काठमाडौ- नेपालमा आयोजना हुन लागेको एनएससी-काभा महिला भलिबल च्यालेन्ज कपको सम्पूर्ण तयारी पूरा भएको छ ।

नेपाल भलिबल संघले सोमबार पत्रकार सम्मेलन गर्दै प्रतियोगिताको सम्पूर्ण तयारी पूरा भएको जनाएको हो।

प्रतियोगिताको उद्घाटन सम्माननिय प्रधानमन्त्री पुष्पकमल दाहाल( प्रचण्ड) र समापन तथा पुरस्कार वितरण युवा तथा खेलकुद मन्त्री डिगबहादुर लिम्बुले गर्ने संघले जानकारि दिएको छ।

यस प्रतियोगिता सञ्चालन गर्न दुई करोड ७१ लाख रुपैयाँ खर्च हुने संघले जनाएको छ।

जेठ ८ देखि १४ सम्म त्रिपुरेश्वरस्थित राखेप कभर्डहलमा हुने प्रतियोगितामा नेपालसहित भारत, श्रीलंका, बंगलादेश, मालदिभ्स, काजाकिस्तान, किर्गिस्तान र उज्बेकिस्तान गरी राष्ट्रको सहभागिता रहने छ ।