पोखरा स्पोर्ट्स अवार्डमा सावित्रा र करण वर्षका उत्कृष्ट खेलाडी घोषित

काठमाडौ- सातौं पोखरा स्पोर्टस अवार्डद्वारा फुटबलर सावित्रा भण्डारी र क्रिकेटर करण केसी बर्षका उत्कृष्ट खेलाडी घोषित भएका छन् ।

नेपाल खेलकुद पत्रकार मञ्च गण्डकीले  आयोजना गरेको समारोहकाबिच सावित्रा र केसीलाई आज यो अवार्डबाट सम्मान गरेको हो।

सावित्राले आर्चरीकी रोजीना थापा मगर र आइटिएफ तेक्वान्दोकी सुष्मिता थापालाई पछि पार्दै यो अवार्ड जितेकी हुन्। त्यस्तै केसीले आर्चरीका गंगाबहादुर कुँवर र टेनिसका प्रदिप खड्कालाई पछि पार्दै यो अवार्ड जितेकी हुन्।

त्यस्तै उदीयमान खेलाडी अवार्ड क्रिकेटका सुवास भण्डारीले प्राप्त गरेका छन्। साथै लाइफटाइम अचिभमेन्ट अवार्ड प्राप्त गरेका मर्सानीलाई चाँदीको करुवा, ट्रफी, ताम्रपत्र र दोसल्लाले सम्मान गरिएको छ।