एपिएफसँग न्यु डायमन्ड पराजित

काठमाडौं । सातौँ संस्करणको प्रधानमन्त्री कप एनभिए महिला तथा पुरुष क्लब लिग भलिबल च्याम्पियनसिप अन्तर्गत महिलातर्फको खेलमा न्यू डायमन्ड स्पोर्टस क्लब विभागिय टोली एपिएफ क्लबसँग पराजित भएको छ । 

बिहिबार त्रिपुरेश्वरस्थित राष्ट्रिय खेलकुद परिषद् (राखेप)को कर्भडहलमा भएको खेलमा न्यू डायमन्ड एपिएफ क्लबसँग ३-० को सोझो सेटमा पराजित गरेको हो ।

न्यु डायमन्डले पहिलो सेट १९-२५ ले गुमाएको थियो भने, दोस्रो सेट १८-२५ र तेस्रो सेट १२-२५ ले गुमाएको थियो । 

यो हारसँगै न्यु डायमन्डको फाइनल प्रवेशको सम्भावना कमजोर बनेको छ ।

यता विजयी एपिएफ यस प्रतियोगिताको फाइनलमा प्रवेशको सम्भावना कायम रहेको छ । 

पाँचौं खेलमा एपिएफको यो चौथो जित हो । डायमन्ड भने प्रतियोगितामा पहिलो पटक पराजित भएको हो ।

बुधबार एपीएफलाई पराजित गरि नेपाल पुलिस क्लबले एक खेल अगावै फाइनलमा स्थान बनाई सकेको छ ।