एपीएफको लगातार दोस्रो जित

जारी महिला तथा पुरुष क्लब लिग भलिबलमा महिला तर्फ नेपाल एपीएफ क्लबले लगातार दोस्रो जित निकालेको छ । 

एपिएफले गण्डकी प्रदेशलाई पराजित गर्दै विभागीय टोली नेपाल एपीएफले लगातार दोस्रो जित हात पारेको हो ।

त्रिपरेश्वरस्थित राष्ट्रिय खेलकुद परिषदको कर्भड हलमा भएको खेलमा एपीएफले गण्डकी प्रदेशलाई ३-० को सोझो सेटमा पराजित गरेको हो ।

एपीएफले गण्डकीलाई २५–१२, २५–१८ र २५–८ ले पराजीत गरेको हो।

पहिलो खेलमा नेपाल एपीएफ क्लबले अर्को विभागीय टोली त्रिभुवन आर्मीलाई पराजित गरेको थियो ।