Nepal Women

Rashmi Kumari Ghishing

Sabitra Bandari

काठमाडौं। बंगलादेशसँगको मैत्रीपूर्ण तथा मलेसियासँगको एएफसी एसियन कप छनोटमा सहभागी हुने नेपाली राष्ट्रिय फुटबल टोलीलाई विदाई गरिएको छ। &nbsp; एन्फा कम्प्लेक्स सातदोबाटोमा सोमबार आयोजित एक कार्यक्रममाबीच खेलकुद मन्त्री बब्लु गुप्ता र एन्फा पदाधिकारीहरुले नेपाली टोलीलाई विदाई गरेका हुन्। विदाई कार्यक्रममा नेपाली पुरुष राष्ट्रिय फुटबल टोलीका कप्तान किरणकुमार लिम्बूले एएफसी एसियन कप छनोटअघि बंगलादेशसँग हुने मैत्रीपूर्ण खेल खेलाडीको फिटनेसका लागि महत्वपूर्ण हुने बताए। छोटो समयको बन्द प्रशिक्षण भएपनि दुवै खेलमा राम्रो नजिता आउने उनले विश्वास व्यक्त गरे। त्यस्तै ए डिभिजन लिगको माग गर्दै राष्ट्रिय खेलाडीहरु विरोधमा उत्रनुपर्ने अवस्था नेपाली फुटबलका लागि उचित नभएकाले सरोकारवाला सवैले यसमा ध्यान दिनुपर्ने धारणासमेत राखेका थिए। नेपालले नोभेम्बर १३ मा बंगलादेशसँग मैत्रीपूर्ण खेल खेल्नेछ भने त्यसपछि नोभेम्बर १८ मा एएफसी एसियन कप क्वालिफायरअन्तर्गत मलेसियाविरुद्ध प्रतिस्पर्धा गर्नेछ।

नेपाली फुटबल टोलीको विदाई

काठमाडौं। झापा महिला गोल्डकपको उपाधि नेपाल पुलिस क्लबले जितेको छ। शिवसताक्षीस्थित दूधे रङशालामा साेमबार सम्पन्न प्रतिस्पर्धी खेलमा विभागीय टोली एपिएफ फुटबल क्लबलाई १–० गोलले पराजित गर्दै नेपालले उपाधि कब्जा गरेको हो।&nbsp; उपाधिसँगै पुलिस क्लबले नगद रु १० लाख १० हजार, मेडल र ट्रफी प्राप्त गरेको छ भने उपविजयी एपिएफ फुटबल क्लबले नगद रु पाँच लाख प्राप्त गरेको छ। प्रतियोगिताको सर्वोत्कृष्ट खेलाडी र सर्वाधिक गोलकर्ताको उपाधि पुलिस क्लबकी मीना देउवाले हात पारेकी छन्। उनले प्रतियोगिता अवधिभर सात गोल गर्दै टप स्कोरर बनेर रु २५ हजार र सर्वोत्कृष्ट खेलाडी बन्दै रु एक लाख ५० हजार प्राप्त गरिन्। प्लेयर अफ द म्याचको उपाधि पुलिस क्लबकी पूजा रानाले जितेकी छन्। यसैगरी, उत्कृष्ट गोलकिपर उषा नाथ (पुलिस क्लब), उत्कृष्ट डिफेन्डर मनमाया दमाई (एपिएफ क्लब), उत्कृष्ट मिडफिल्डर रेनुका नगरकोटी (एपिएफ क्लब), उत्कृष्ट फरवार्ड अनिता बस्नेत (एपिएफ क्लब), उत्कृष्ट प्रशिक्षक भोला सिलवाल (पुलिस क्लब) र उदीयमान खेलाडी जेनिफर राना मगर (त्रिभुवन आर्मी क्लब) बनेकी छन्। उत्कृष्ट विजेताहरुले जनही रु २५ हजार प्राप्त गरे। विजेता तथा उपविजेता टोलीलाई गोल्डकपका अध्यक्ष सन्तोष थोप्रा, प्रमुख अतिथि शिवसताक्षी नगरपालिकाका नगरप्रमुख मेगाहाङ थोप्रा, झापा गोल्डकपका अध्यक्ष केदार गिरी, अन्तरराष्ट्रिय झापाली समाजकी उपाध्यक्ष सीता पाण्डेलगायतले वितरण गरे।

झापा महिला गोल्डकपको उपाधि पुलिसलाई

काठमाडौं। दोस्रो संस्करणको नेपाल प्रिमियर लिगको खेल तालिका सार्वजनिक भएको छ।&nbsp; आयोजक नेपाल क्रिकेट संघ क्यानले सोमबार आगमी मंसिर एक गतेबाट सुरु हुने गरि सिजन टु को&nbsp;खेल तालिका सार्वजनिक गरेकाे हाे।&nbsp; उक्त तालिका अनुसार उद्घाटन खेलमा साविक विजेता जनकपुर वोल्सले काठमाडौं गुर्खाज भिड्ने भएका छन्। उक्त दिन एक खेल मात्रै रहेकाे छ भने खेल ४ बजेबाट सुरु हुनेछ। यस्तै खेल फ्लडलाइडमा हुनेछ।&nbsp; दाेस्राे दिन दुई खेल हुनेछ भने तेस्राे, चाैथाे र पाँचाैँ दिन पनि समान एक खेल हुनेछ। दिनमा दुई खेल हुँदा पहिलाे खेल ११:४५ तथा दाेस्राे खेल ४ बजेबाट सुरु हुनेछ। यस सिजन पनि अघिल्लाे सिजनकाे जस्तै आठ टाेलीकाे सहभागिता रहेकाे छ।&nbsp; दाेस्राे दिन चितवन राइनाेज र कर्णाली याक्स तथा बिराटनगर किंग्स र पाेखरा एभेन्जर्स भिड्नेछ।&nbsp; यस्तै, प्रतियाेगिताकाे फाइनल खेल मंसिर २७ गते हुनेछ।&nbsp;<img src="https://app.nepalsportz.com/media/django-summernote/2025-11-10/e379d618-5bda-4833-870b-890af9946287.jpg" style="width: 698px;">

एनपीएलको खेल तालिका सार्वजनिक, उद्घाटन खेलमा जनकपुर र काठमाडौं भिड्ने

समर डेफलिम्पिक्समा सहभागी हुन नेपाली जुडो टोली मंगलबार जापानको टोकियो जाने भएको छ । नोभेम्बर १५ देखि २६ तारिखसम्म हुने डेफलिम्पिक्सको जुडोमा २ खेलाडीले नेपालको चुनौती प्रस्तुत गर्ने छन् । पुरुष ६० केजीमा लक्की चौधरी तथा महिला ५२ केजीमा सुष्मा तामाङले प्रतिस्पर्धा गर्ने छन् । जुडो नोभेम्बर १६ देखि सुरु हुनेछ । टोली प्रमुखमा नेपाल बहिरा तथा दृष्टिविहीन पारा जुडो संघका अध्यक्ष धर्मकुमार श्रेष्ठ, व्यवस्थापकमा रोजिना श्रेष्ठ र प्रशिक्षकमा सन्जित डंगोल रहेका छन् । घरमा शोक परेका कारण प्रशिक्षक डंगोल भने नोभेम्बर १४ तारिखमा जापान जाने छन् । टोलीलाई राष्ट्रिय खेलकुद परिषद् (राखेप) का उपाध्यक्ष ध्रुव आचार्यले सोमबार एक कार्यक्रमबीच बिदाइ गरे । सो अवसरमा राखेप कार्यकारी समितिका सदस्यद्वय भानबहादुर चन्द र सुवर्ण श्रेष्ठ, राखेपका सदस्य जगतसिंह धामीलगायतको उपस्थिति रहेको थियो । डेफलिम्पिक्समा नेपालले जुडो बाहेक कराते, एथलेटिक्स, तेक्वान्दो, ब्याडमिन्टन र टेबलटेनिसमा पनि सहभागिता जानाउने छ ।

जुडो टोली जापान जाँदै

काठमाडौँ, कात्तिक २४ गते । उपाधि रक्षा अभियानमा रहेको वडा नं १६ ले प्रयागराज सिंह सुवाल स्मृति अन्तर वडा फुटसल प्रतियोगितामा विजयी सुरुआत गरेको छ । लैनचौर फुटसल मैदानमा सोमबार वडा १६ ले वडा २ लाई ५–१ ले हरायो । वडा १६का लागि प्रिन्स महर्जनले दुई तथा विक्रम श्रेष्ठले एक गोल गरे । ब्योग रजक र सरोज रजकले आप्mनै गोलपोस्टमा बल छिराएपछि वडा १६ ले आत्मघातीस्वरुप दुई गोल उपहार पाएको थियो । वडा २ का लागि बुजल रजकले एक गोल फर्काए । सो खेलमा प्रिन्स म्यान अफ दि म्याच चुनिए । अन्य खेलमा वडा २८, वडा २६ र वडा ११ ले जित हात पारे । यी तीनै खेलको निर्णय पेनाल्टी सुटआउटमा भएको हो । वडा २८ ले वडा २१ लाई टाइब्रेकरमा ५–४ ले हरायो । निर्धारीत समयको खेल १–१ ले सकिएको थियो । वडा २१ का लागि रोनस महजृन र वडा २८ का लागि उदेश खड्गीले गोल गरेका थिए । सो खेलमा वडा २८ का सिरिस वज्राचार्य म्यान अफ दि म्याच बने । वडा २६ ले वडा ३१ लाई टाइब्रेकरमा ६–५ ले निराश बनायो । निर्धारति समयमा दुवै टिमले २–२ गोल गरेका थिए । वडा २६ का लागि म्यान अफ दि म्याच अमूल दुवै गोल गरे भने वडा ३१ का लागि दिपक लामा र दिपेन्द्रसिंह ठकुरीले गोल गरेका थिए । यसैगरी वडा ११ ले वडा १५ लार्इी पेनाल्टी सुटआउटमा ६–५ ले नै हरायो । वडा ११ का शंकरध्वज र वडा १५ का सञ्जीव श्रेष्ठको गोलबाट निर्धारीत समयको खेल १–१ ले बराबरीमा टुङिगएको थियो । सो खेलमा विजयी टिमका शंकरध्वजले म्यान अफ दि म्याचको पुरस्कार पाए । प्रतियोगिताअन्तर्गत मङगलबार प्रिक्वाटरफाइनलका चार खेल हुनेछन् । पहिलो खेलमा आयोजक वडा २३ ले वडा १३, दोस्रो खेलमा वडा १९ ले वडा २४, तेस्रो खेलमा पहिलो संस्करणको विजेता वडा १४ ले वडा २५ र चौथो खेलमा वडा ६ खेल वडा २० को सामना गर्नेछ ।

साविक विजेता वडा १६ को विजयी सुरुआत

नेपाली अल्ट्रा रनर सुमन कुलुङले हङकङमा आयोजना हुने ट्रान्सलान्टाउ रेसमा प्रतिस्पर्धा गर्ने भएका छन् । नोभेम्बर १४ देखि १६ तारिखसम्म हङकङमा हुने ट्रान्सलानटाउ रेसमा भाग लिन सुमन सोमबारै राती हङकङ प्रस्थान गर्देछन् । उनले ८० किलोमिटर दूरीको रेसमा प्रतिस्पर्धा गर्नेछन् । केही समयअघि स्पेनमा भएको वल्र्ड ट्रेल एन्ड माउन्टेन च्याम्पियनसिपमा भाग लिएका सुमनले एसियाली धावकहरुमध्ये राम्रो प्रदर्शन गरेका थिए । नेपाल एड्भेन्चर रनिङ फेडेरेसनका अध्यक्ष एकेन्द्र कुँवरले सुमन कुलुङले अन्तर्राष्ट्रिय ट्रेल रेसहरुमा उत्कृष्ट प्रदर्शन गरिरहेको र हङकङमा पनि राम्रो प्रदर्शन गर्ने विश्वास व्यक्त गरे । सुमनले पहिलो पटक वल्र्ड ट्रेल रनिङ एन्ड माउन्टेन च्याम्पियन खेल्दा राम्रो अनुभव भएको र धेरै कुरा सिक्ने अवसर पाएको बताए । उनले हङकङमा हुने रेसमा राम्रो प्रदर्शन गर्ने विश्वास व्यक्त गरे ।&nbsp; अल्ट्रा रनर सुमनलाई अष्ट्रियाको सिग्रिड फाउन्डेसनले स्पोनसरसिप गरेको छ । सुमन पर्यटक गाइडको रुपमा काम गर्दा सन् २०२२ मा फाउन्डेसनका पदाधिकारीसँग भेट भएको र त्यसपछि सम्पर्कमा पुगेका थिए । त्यसपछि राईको सम्पूर्ण मेडिकल चेकअप गर्दा विश्वका शीर्ष धावकभित्र पर्ने सम्भावना देखिएको भन्दै सहयोग गरेको फाउन्डेसनले जनाएको छ । सुमन हाल अष्ट्रियामा ट्रेल रनिङ अभ्यासका साथै काम पनि गर्दै आएका छन् । उनी त्यहाँ स्की लगायत खेलहरु पनि अभ्यास गर्ने गर्नछन् । सुमनले वल्र्ड च्याम्पियनसिप लगायत विश्वका विभिन्न देशमा हुने अल्ट्रा रेसहरुमा भाग लिईसकेका छन् । सुमनसंगै फाउन्डेसनकी संस्थापक डा. सिग्रिड स्वार्जेनबाकर र पेट्रा नोकर पनि हङकङ जाने छन् ।

अल्ट्रा रनर सुमनले हङकङमा ट्रान्सलानटाउ रेसमा प्रतिस्पर्धा गर्ने

काठमाडौं। नेपाली राष्ट्रिय महिला क्रिकेट टिमले भारत भ्रमण गर्ने भएको छ। नेपाली टिमले मैत्रीपूर्ण क्रिकेट खेल्ने नेपाल क्रिकेट संघ क्यानले जनाएको छ। नेपाली टिमले १३ नोभेम्मबर देखि १९ नोभेम्बरसम्म उत्तराखण्ड, बंगाल र राजस्थानको महिला टिमसँग ६ वटा खेल खेल्ने छ। भारत भ्रमणका लागि नेपाली टोलीको घोषणा पनि गरिएको छ। इन्दू बर्माको कप्तानीमा रहेको टोलीमा कविता कुँवर, सना प्रवीण, रुविना क्षेत्री, अलिसा यादव, ईश्वरी विष्ट, रोमा थापा, अश्मिना कर्माचार्य, सबनम राई, विन्दू रावल, पूजा महतो, लक्ष्मी साउद, मनिषा उपाध्याय, सिमाना केसी र ममता चौधरी रहेका छन्। नोभेम्बर १३ मा नेपालले राजस्थानसँग खेल्दै प्रतियोगिताको सुरुआत गर्ने छ। १४ तारिखमा उत्तराखण्डसँग, १५ तारिखमा बंगालसँग, ७ तारिखमा राजस्थानसँग, १८ तारिखमा उत्तराखण्डसँग र अन्तिम खेल १९ तारिखमा बंगालसँग हुने छ।

नेपाली महिला क्रिकेट टिमले भारत भ्रमण गर्ने

काठमाडौं। नेपाल काभा महिला यु–१९ भलिबल च्याम्पियनसिको उपविजेतामै सीमित भएको छ।&nbsp; श्रीलंकाको कोलम्बोमा आइतबार सम्पन्न फाइनलमा नेपाल किर्गिस्तानसँग ३–२ को सेटमा पराजित भएको हो।&nbsp; पहिलो सेट नेपालले २५–२२ ले जितेको थियो। दोस्रो सेट २५–२० ले जित्दै किर्गिस्तानले खेलमा पुनरागमन गर्‍यो। तेस्रो सेटमा पनि किर्गिस्तानले २५–२१ को रोमाञ्चक जित निकाल्दै खेलमा २–१ को अग्रता लियो। तर, चौथो सेटमा सानदार पुनरागमन गर्दै नेपालले खेल २५–१३ ले आफ्नो पक्षमा पार्‍यो। योसँगै खेल पाँचौ सेटमा पुगेको हो।&nbsp; तर, निर्णायक सेटमा भने किर्गिस्तानले सानदार पुनरागमन गर्दै खेल १५–११ ले जित्दै उपाधिमा कब्जा जमायो।

नेपाल उपविजतामै सीमित

इटालीको सिरी ए मा यसपल्ट उपाधिको होड रोमाञ्चक हुने भएको छ । लिग तालिकाको शीर्ष स्थानमा रहेको इन्टर मिलान र एएस रोमाले आफ्नो घरेलु मैदानमा आइतबार सजिलो जित निकालेका छन् ।&nbsp; इन्टरले लाजियोलाई २–० ले हरायो र त्यसमा लउटारो मार्टिनेज र एन्गे–योन बोनीले एक एक गोल गरे । रोमाले अर्को खेलमा युनिडेजीलाई २–० ले नै हरायो र त्यसमा भने लोरेन्जो पेलेग्रिनी र मेहमेट जेकी सेलिकले गोल गरे । यो नतिजापछि इन्टरको ११ खेलबाट २४ अंक भएको छ । रोमाको पनि समान २४ अंक छ । दुई टिम गोल अन्तरले छुटिएका हुन् । उनीहरूको पछाडि एसी मिलान र नेपोली छन् । यी दुई टिमको समान २२ अंक रहेको छ ।&nbsp;

इटालीमा उपाधि होड रोमाञ्चक हुँदै

बार्सिलोनाले स्पेनी ला लिगाको उपाधि होडमा आइतबार रियल म्याड्रिडमाथि दबाब सिर्जना गरेको छ । रोबर्ट लेवनडोस्कीको ह्याट्रिकमा बार्सिलोनाले सेल्टा भिगोलाई ४–२ ले हरायो । रियल भने अर्को खेलमा रायो भालेकानोसँग गोलरहित बराबरीमा रोकियो । &nbsp; रियलको १२ खेलबाट ३१ अंक छ र शीर्ष स्थानमा छ । बार्सिलोनाका समान खेलबाट २८ अंकमा दोस्रो स्थानमा रहेको छ । यी दुई पुराना प्रतिद्वन्द्वीबीचको अन्तर अब तीन अंकमा छोटिएको छ । लेवनडोस्कीले १० औं मिनेटमा पेनाल्टीबाट गोलको खाता खोले । त्यसपछि ३७ र ७३ औं मिनेटमा गोल गर्दै आफ्नो ह्याट्रिक पूरा गरे । लामिन यामलले बार्सिलोनाका लागि पहिलो हाफको इन्ज्युरी समयमा अर्को गोल गरे ।

रियलमाथि बार्सिलोनाको दबाब

म्यानचेस्टर सिटीले इंग्लिस प्रिमियर लिगमा लिभरपुललाई सजिलै ३–० ले पराजित गरेको छ । यो पेप ग्वार्डिओलाको प्रशिक्षकका रूपमा कोशेढुंगा हजारौं खेल पनि रह्यो र यो सम्झनालायक रह्यो । यो जितसँगै सिटी फेरि लिगको उपाधि होडमा फर्केको छ । सिटीको ११ खेलबाट अब २२ अंक भएको छ र यो शीर्षमा रहेको आर्सनलसँग चार अंकको मात्र अन्तर हो । इतिहाडमा भएको खेलमा सिटीका लागि हर्लिङ हालान्ड, निको गोन्जालेज र जेरेमी डोकुले गोल गरे । हालान्ड पेनाल्टीबाट गोल गर्न नचुकेको भए, जितको अन्तर अझ ठूलो हुने थियो । सबै प्रतियोगिताका पछिल्ला आठ खेलमा सिटीको यो सातौं जित हो । हारले लिभरपुलको लिग उपाधि रक्षा गर्ने अभियानमा ठूलो धक्का लागेको छ । आइतबारका अन्य खेलमा एस्टन भिल्लाले बर्नमाउथलाई ४–०, ब्रेन्टफोर्डले न्युकासल युनाइटेडलाई ३–१ र नटिङघम फरेस्टले लिड्स युनाइटेडलाई ३–१ ले हरायो । क्रिस्टल प्यालेस र ब्राइटनले भने गोलरहित बराबरी खेले ।

लिभरपुलमाथि सिटीको सजिलो जित

काठमाडौं। अखिल नेपाल फुटबल संघ एन्फाले खेलाडीलाई वार्तामा आउनकाे लागि पहल गरेकाे छ। फुटबल खेल्न पाउनु पर्ने मागसहित बिहीबार धर्नामा उत्रिएका खेलाडीलाई एन्फाले आइतबार प्रेस विज्ञप्तिमार्फत नेपाल फुटबल खेलाडी संघका प्रतिनिधिलाई सोमबार वार्ताका लागि आह्वान गरेको हो। गत सोमबार एन्फा र शीर्ष डिभिजन क्लबबीचको बैठकले यो वर्ष पनि शीर्ष डिभिजन लिग नहुने निर्णय गरेको थियो। शीर्ष डिभिजन लिगको साट्टो राष्ट्रिय लिग गर्ने सहमती जुटेपछि खेलाडीहरु आक्रोशित भएका थिए। तीन दिनपछि खेलाडी संघले एन्फा लिगबाट भाग्न खोजेको र लिग हुनै पर्ने भन्दै आह्वान गरेको आन्दोलनमा जेन्जी युवा, तथा पूर्व खेलाडी र प्रशिक्षकहरुले पनि ऐक्यबद्धता जनाएका थिए।

एन्फाले बोलायो खेलाडीलाई वार्तामा

काठमाडौं। पाकिस्तानले हङकङ सिक्सेसको उपाधि जितेको छ। मिसन रोड ग्राउन्डमा आइतबार सम्पन्न फाइनल खेलमा पाकिस्तानले कुवेतलाई ४३ रनले पराजित गर्दै उपाधि जितेकाे हाे।&nbsp; पाकिस्तानले दिएको१३६ रनको लक्ष्य पछ्याएको कुवेतले ५.१ ओभरमा सबै विकेट गुमाउँदै ९२ रन बनायो। कुवेतका लागि मिट भास्करले सर्वाधिक ३३ र एडन आन्देशले ३० रन बनाए। यस्तै, यासिन पट्टेलले १४ रनकाे याेग्दान दिए पनि टाेलीकाे जितमा प्रयाप्त बनेन।&nbsp; यता, पाकिस्तानकाे लागि माज सदाकतले सर्वाधिक ३ विकेट लिए।&nbsp; त्यसअघि पहिले ब्याटिङ गरेकाे पाकिस्तानले निर्धारित ओभरमा ३ विकेट गुमाएर १३५ रन बनाएको थियो।

पाकिस्तानले जित्यो हङकङ सिक्सेसको उपाधि

काठमाडौ। एन्फा प्रेसिडेन्ड लिग २०२५ अन्तर्गत लालिगुँरास एसोसियसन क्लबले शानदार जित हासिल गरेको छ।&nbsp; बागमती प्रदेशको राजधानी हेटौडांमा आइतबार सम्पन्न दिनको पहिलो खेलमा लालिगुँरासले जन जागृति युवा क्लबलाई ४–० ले पराजित गरेको हो।&nbsp; लालिगुँरासको जितमा आशिष गुरुङले ह्याट्रिक पूरा गरे। उनले खेलको ३३औँ, ९०औँ, र इन्जुरी समयको तेस्रो मिनेटमा &nbsp;गोल गर्दै ह्याट्रिक पूरा गरे। जारी प्रतियोगितामा यो पहिलो ह्याट्रिक हो। यस्तै, यमबहादुर श्रेष्ठले एक गोल थपे।&nbsp; जितसँगै लालिगुँरासले तीन अंक जोडेको छ। दुई खेलबाट उसले चार अंक जोडेको छ। यता, जन जागृति जितविहिन छ।

एन्फा प्रेसिडेन्ड लिगमा लालिगुँरासको सहज जित

काठमाडौं। ३८ वर्षीय लिओनल मेस्सीले खेलमा आफ्नो जादू पुनः देखाएपछि इन्टर मियामीले शानदार जित हासिल गरेकाे छ।&nbsp; मियामीले शनिबार आफ्नै मैदानमा नेस्भिललाई ४–० ले हराउँदै प्लेअफ सिरिज २–१ ले जित्यो। योसँगै मेजर लिग सकर कप (एमएलएस) पोस्ट–सिजनको अर्को चरणमा प्रवेश गर्दै एफसी सिनसिनाटीसँगको भिडन्त तय गरेको छ। मियामीका लागि मेस्सीले पहिलो हाफमै दुई गोल गर्दै इन्टर सहज अग्रता दिलाए। पहिलो गोल बक्स बाहिरबाट आफ्नै पहिचान बनेको सानदार फिनिशमार्फत र दोस्रो गोल पेनाल्टी क्षेत्रभित्र लो क्रसलाई फिनिश गरे। यससँगै उनको करिअरको गोल संख्या ८९४ पुगेको छ। ९०० गोलको कीर्तिमानभन्दा अब मात्र ६ गोल टाढा छ। दोस्रो हाफमा जोर्डी आल्बाले तादेओ आलेन्देलाई पास दिएर तेस्रो गोल बनाउन सहयोग गरे भने अन्त्यमा आलेन्देलाई असिस्ट प्रदान गर्दै मेस्सीले चौथो गोलको सिर्जना गरे। त्यो असिस्ट उनको करिअरको ४००औं असिस्ट बनेको हो, जुन सक्रिय खेलाडीहरूमा दुर्लभ उपलब्धि मानिन्छ। सन् २०२५ मा मेस्सीको फर्म अत्यन्त प्रभावशाली रहँदै आएको छ। ५० खेलमा ४४ गोल र २१ असिस्ट गरेका छन्।

मेस्सी चम्किँदा मियामीको शानदार जित

काठमाडौं । हङकङमा जारी हङकङ सिक्सेसको अन्तिम खेलमा नेपाल युएईसँग पराजित भएको छ। आइतबार बिहान सम्पन्न खेलमा युएईले नेपाललाई ४३ रनले पराजित गरेको हो। युएईले दिएको १३० रनको लक्ष्य पछाएको नेपालले ६ ओभरमा ४ विकेट गुमाएर ८६ रन मात्रै बनाउन सक्याे। यसअघि युएईले पहिला ब्याटिङ गर्दै ६ ओभरमा अल आउट हुँदै १२९ रन बनाएको थियो। यो हारपछि यस सिजनको हङकङ सिक्सेसमा नेपालको यात्रा यहि सकिएको छ।

हङकङ सिक्सेस : नेपाल युएईसँग पराजित

काठमाडौं। साउदी प्रो लिगमा क्रिस्टियानो रोनाल्डो&nbsp;सम्मिलित अल नासरले आफ्नाे विजयी यात्रा जारी राखेकाे छ।&nbsp; शनिबार राति सम्पन्न आठौ साताको खेलमा अल नासरले नेओम एससीलाई ३-१ गोल अन्तरले पराजित गर्दै लिगमा आफ्नो अपराजित यात्रा कायम राखेको हो। नासरको जितमा एंगेलो गाब्रियल, क्रिस्टियानो रोनाल्डो र जोआओ फेलिक्सले एक एक गोल गरे। त्यस्तै नेओमका लागि एक गोल अहमद अबडो जाबेरले गरे। यस खेलमा लुसियानो रोड्रीगेजले खेलको ५६औं मिनेटमा रातो कार्ड पाएपछि नेओम १० खेलाडीमा सिमित भएको थियो। जितसँगै अल नासरले आठ खेलबाट २४ अंक जोडेर शीर्ष स्थानमा कायम रहेको छ। नेओमको समान खेलबट १३ अंकसहित सातौं स्थानमा छ।

साउदी प्रो लिग : अल नासरको विजयी यात्रा जारी

बायर्न म्युनिकको यो सिजनको लगातार जितको क्रममा शनिबार पूर्ण विराम लागेको छ । उसलाई जर्मन बुंडेसलिगामा युनियन बर्लिनले २–२ को बराबरीमा रोकेको हो । ह्यारी केनले ९० औं मिनेटमा गोल गरेर बायर्नको हार टारेका हुन् । यसअघि बायर्न सबै प्रतियोगिताका १६ खेलमध्ये सबैमा नै विजयी रहेको थियो । युनियनका लागि डानिल्हो डोइखी दुई गोल गरे । लुइस डियाजले बायर्नका लागि एक गोल फर्काए । अन्य खेलमा होफनहाइमले आरबी लाइपजिगलाई ३–१ ले हरायो भने बोरुसिया डर्टमुन्ड ह्याम्बर्गसँग १–१ को बराबरीमा रोकियो । यसले बायर्नलाई अझ फाइदा गरेको छ । बायर्नको १० खेलबाट २६ अंक भएको छ । त्यसपछि लाइपजिगको २२ र डर्टमुन्डको २१ अंक छ ।

बायर्नको लगातार जितमा अन्त्य

<h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important; font-weight: 700 !important;">ब्रायन ब्रोबेयीले दोस्रो हाफको इन्ज्युरी समयको चौथो मिनेटमा गोल गरेपछि सन्डरल्यान्डले इंग्लिस प्रिमियर लिगमा शनिबार आर्सनललाई २–२ को बराबरीमा रोकेको छ । बराबरीमा बावजुत आर्सनल २६ अंकमा पहिलो स्थानमा छ ।</h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important; font-weight: 700 !important;"> </h5><h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important; font-weight: 700 !important;">चेल्सी भने २० अंकमा दोस्रो स्थान उक्लिन सफल रह्यो । उसले अर्को खेलमा पुछारको उल्भ्सलाई ३–० ले हरायो । स्टेडियम अफ लाइट्समा सन्डरल्यान्ड ड्यानिएल बालार्डको गोलले पहिलो हाफमा अग्रता लिएको थियो ।</h5><p style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important; font-weight: 700 !important;"> <p style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important; font-weight: 700 !important;"> <h5 class="fw-bold m-0" style="border: 0px solid rgb(229, 231, 235); font-family: mukta, sans-serif; line-height: 1.2; font-size: inherit; caret-color: rgb(97, 94, 94); color: rgb(97, 94, 94); -webkit-text-size-adjust: 100%; margin: 0px !important; font-weight: 700 !important;">त्यसपछि दोस्रो हाफमा आर्सनलका तर्फबाट बुकायो साका र लियानड्रो ट्रोसार्डले गोल गरे । सन्डरल्यान्ड भने १९ अंकमा चौथो स्थानमा पुगेको छ । अन्य खेलमा एभरटनले फुलहमलाई २–० र वेस्ट ह्यामले बर्नलीलाई ३–२ ले हरायो ।</h5>

सन्डरल्यान्डसँग आर्सनलको बराबरी

काठमाडौँ । एन्फा प्रेसिडेन्ट लिग फुटबल २०८२ अन्तरगत शनिवार भएको खेलमा &nbsp;हैरान्सले टाइगर्स टिमलाई ५–२ले हरायो। हैरान्सका लागि रोहन डोङल ३ गाल गरे। समिराज थोकर र विश्व लामाले थप गोल गरे। टाइगर्सका विशेष लामाले दुवै गोल गरे। सो खेलमा रोहन प्लयेर अफ द म्याच घोषित भए। २ मङ्सिरसम्म हेटौडामा आयोजना हुने लिगमा १० टोलीको सहभागिता छ। &nbsp; लिग कम नकआउटको आधारमा सञ्चालन हुने सो प्रतियोगितामा विजेता टोलीले १० लाख रुपैयाँ पुरस्कार पाउने छ। उपविजेताले ५ लाख रुपैयाँ पुरस्कार पाउने छ ।

Nepalsports

⚽ Upcoming Matches

🎖 Recent Matches

📰 Recent News

Nepalsports