Bangladesh

काठमाडौं। काठमाडौं गुर्खाजले दोस्रो संस्करणको नेपाल प्रिमियर लिग (एनपिएल) मा विजयी सुरुआत गरेको। त्रिवि क्रिकेट रंगशालामा सोमबार भएको उद्घाटन खेलमा काठमाडौंले साविक विजेता जनकपुर वोल्टसाई ५ विकेटले पराजित गरेको हो। जनकपुरले दिएको १३१ रनको मध्यम लक्ष्य पछ्याएको काठमाडौंले १८ ओभरमा ५ विकेट गुमाएर पूरा गर्यो। काठमाडौंका लागि आकाश त्रिपाठी र बेन चार्ल्सवर्थको विशाल साझेदारीसँगै गरे। बेनले सर्वाधिक ४६ रन बनाए। २३ बल खेलेका उनले ५ चौका र ३ छक्का प्रहार गरे। आकाशले ४५ बलमा ५ चौकासहित ३९ रन बनाए। मिलिन्दा कुमार १९ र भीम सार्की ३ रनमा आउट भए। किशोर महतो, ललितनारायण राजवंशी, जोन निकोल लोफ्टी–इटन र सञ्जय कृष्णमुर्तिले समान १ विकेट लिए। त्यसअघि कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ थालेको जनकपुरले निर्धारित २० ओभरमा ६ विकेट गुमाउँदै १३० रन बनाएको थियो। ओपनर आसिफ शेखले सर्वाधिक ५४ रन बनाए। उनी दोस्रो संस्करणमा अर्धशतक प्रहार गर्ने पहिलो ब्याटर बनेका छन्। उनले ४१ बलमा ६ चौका र १ छक्का प्रहार गरे। मध्यक्रम नचल्दा जनकपुर दबाबमा देखिएको थियो। तर,मयन यादवले बलमा रनको इनिङ्स खेल्दै जनकपुरलाई उकासे। काठमान्डौंका मिलन्दाले सर्वाधिक ३ विकेट लिएर ४ ओभर बलिङ गरेका उनले १५ रन खर्चिए। शहाब आलम र सन्तोष यादवले समान एक विकेट थपे।

काठमाडौंको विजयी सुरुआत

गत सिजन नेपाल प्रिमियर लिग (एनपीएल) मा सबैभन्दा बढी चर्चा बटुल्ने टिम थियो, कर्णाली याक्स । प्रचार प्रसारमा यो जत्तिको टिम अर्को कोही थिएन् । मैदानमा उसको प्रदर्शन पनि ठीकै रह्यो । प्ले–अफ मात्र पुगेन्, क्वालिफायर–टु पनि खेलेको थियो । खालि फाइनल मात्रै पुग्न सकेन् । यसपल्ट पनि कर्णालीको पहिलो लक्ष्य प्ले–अफमा प्रवेश नै रहनेछ । त्यसपछि मात्र टिमले थप सोच्ने छ । फेरि लिग चरणको समाप्तीमा शीर्ष चार स्थानका लागि कर्णाली योग्य पनि छ र यसको आधार हो, बलियो बलिङ पक्ष । राष्ट्रिय टिममा चार त्यस्ता अलराउन्डर खेलाडी छन्, जसको ब्याट त चल्छ नै, तर तिनीहरूको खास बलियो पक्ष भनेको फास्ट बलिङ नै हो । तिनीहरूमध्ये तीन जना सोमपाल कामी, गुल्सन झा र नन्दन यादव एउटै टिममा छन् र त्यो भनेको कर्णाली नै भयो । त्यसमध्ये सोमपाल त कप्तान नै भए । उनीसँग जोडिएको एउटा बलियो पक्ष के भने उनले नेतृत्व गरेको टिमले यसअघि धनगढी प्रिमियर लिग र एभरेस्ट प्रिमियर लिग दुवै जितेको छ । यस्तोमा प्रश्न हो, के उनी यसपल्ट एनपीएल पनि जित्ने छन् त ? इच्छा त पक्कै हुँदै हो । तर यहाँनिर एउटा महत्त्वपूर्ण प्रश्न छ र यसको उत्तर प्रतियोगिता अगाडि बढ्दै जाँदा प्राप्त हुनेछ । प्रतियोगिता डे एन्ड नाइटको आधारमा हुँदैछ, फ्लड लाइट्समा । यस्तोमा फास्ट बलरको प्रदर्शन कस्तो हुने हो, त्यो हेर्न लायक नै रहनेछ । टिमका विदेशी खेलाडी पनि उत्कृष्ट छन् र त्यसमध्ये सबैभन्दा अगाडि आउने नाम हो, विलियम बोसिस्टो । उनले नै गत सिजन कर्णालीलाइ प्ले–अफमा पुग्न महत्त्वपूर्ण भूमिका खेलेका थिए । अनि सबैको ध्यान एउटा आफ्नै खेलाडी हुनु पर्छ र उनी हुन्, लेग स्पिनर युवराज खत्री ।

कर्णालीको पहिलो ध्यान प्ले–अफ

नेपाल प्रिमियर लिग (एनपीएल) २०२५ को मंगलबार दोस्रो दिनको पहिलो खेलमा उत्रने एउटा टिम रहेको छ, चितवन राइनोज । उसले कर्णाली याक्सको सामना गर्दैछ । गत सिजन चितवनले प्ले–अफको यात्रा तय गरेर सबैलाई आश्चर्यजमा पारेको थियो, किनभने कम्तीमा टिमबाट यस्तो अपेक्षा थिएन् । बरु उल्टै चर्को आलोचना गरिएको थियो, खराव टिम भयो भनेर । तर चितवन पहिलो इलिमिनेटर भन्दा माथि पुग्न सकेन् । चिटवनले यसपल्ट सिजन–टुका लागि तयार पारिएको टिम भने फरक छ । अझ यसलाई उपाधिकै दावेदार जस्तो मान्न सकिन्छ । यस्तोमा प्रश्न हो, के यो टिमले फेरि एकपल्ट प्ले–अफ पुग्ने उपलब्धी दोहराउन सक्छ त ? गत सिजन टिमका दुई खेलाडी थिए, अनुभवी र भेट्रान रवि वोपारा र सोहेल तनवीर । उनीहरूले नै उत्कृष्ट प्रदर्शन गर्दै टिमलाई लिग चरणको समाप्तीमा शीर्ष चारमा राखेका थिए । यसपल्टको टिमका दुई प्रमुख खेलाडी हुनेछन्, देव खनाल र अर्जुन साउद । देव गत सिजन कर्णाली याक्समा थिए, उनले अपेक्षा अनुसार खेल्नै सकेनन् । अर्जुन पनि लुम्बिनी लायन्सबाट आएका हुन् । लुम्बिनी त त्यो सिजन सबैभन्दा खराव टिम थियो, त्यसैले अर्जुनको खेल पनि राम्रो रहेको थिएन् ।&nbsp;यसपल्ट दुवैले नयाँ टिम पाएका छन् र आफूलाई स्थापित गर्ने उनीहरूलाई चुनौती हुनेछ । यति भन्दा भन्दै चितवन साँच्चे बलियो भएको भनेको इंग्लिस ब्याटर डेविड मलान आएपछि हो । अनि सैफ जैब पनि । सँगै वोपारा र तनवीर त हुने नै छन् । चितवन टिमका प्रशिक्षक हुन्, कलाम अलि । सम्भवतः उनी पूरा प्रतियोगिताकै सबैभन्दा लो–प्रोफाइल प्रशिक्षक हुन्, तर उनको योग्यतामा कसलाई शंका हुन सक्छ र ? गत सिजन उनी चिवतनकै सहायक प्रशिक्षक थिए ।

उपाधिकै दावेदार चितवन

काठमाडौं। नेपाल प्रिमियर लिग (एनपिएल) आजबाट सुरु हुँदैछ।&nbsp; र्कीतिपुरस्थित त्रिवि क्रिकेट मैदानमा आजबाट सुरु हुने प्रतियाेगिताकाे उद्घाटन खेलमा साविक विजेता जनकपुर बोल्ट्सले काठमाडौं गोर्खाजको चुनौती सामना गर्नेछ। याे खेल साँझ ४ बजे हुनेछ। यस सिजनको एनपिएलका धेरै जसो खेल नवनिर्मित टियु क्रिकेट मदानको फ्लडलाइटमा हुनेछ। &nbsp; गत सिजन जनकपुरले काठमाडौंलाई सहजै हराएको थियो। जनकपुर लिग चरणको अंकतालिकामा दोस्रो भएको थियो। काठमाडौंबाहेक, अन्य खेलमा जनकपुरले विराटनगर किंग्स र कर्णाली याक्सविरुद्ध समान ८ विकेट, पोखरा एभेन्जर्सविरुद्ध ७ विकेट र लुम्बिनी लायन्सविरुद्ध एक रनको रोमाञ्चक जित हासिल गरेको थियो। सुदूरपश्चिम रोयल्स र चितवन राइनोजसँग भने टोलीले क्रमशः ७२ र ३२ रनको हार बेहोर्यो।

जनकपुर र काठमाडौं भिड्दै

पोर्चुगल र नर्वेले सन् २०२६ मा अमेरिका, क्यानाडा र मेक्सिकोमा हुने विश्वकप खेल्ने भएका छन् । उनीहरूले आइतबार विश्व फुटबलको सबैभन्दा ठूलो प्रतियोगितामा आफ्नो स्थान सुरक्षित गरेका छन् । पोर्चुगलले समूह ‘एफ’ को खेलमा आर्मेनियालाई ९–१ ले पराजित गर्‍यो । यससँगै पोर्चुगल समूह विजेता बन्यो । यसमा ब्रुनो फर्नान्डेज तथा जाओ नेभेसले ह्याट्रिक गरे । अब पोर्चुगलले लगातार सातौं पल्ट विश्वकप खेल्नेछ । <img src="https://www.newsday.com/_next/image?url=https%3A%2F%2Fcdn.newsday.com%2Fimage-service%2Fversion%2Fc%3AYjZmMGNjZTMtMTFiNS00%3ANGRjYWQyOWMtYjUxYy00%2Fcopy-of-portugal-armenia-wcup-soccer.jpeg%3Ff%3DLandscape%2B16%253A9%26w%3D768%26q%3D1&amp;w=1920&amp;q=80" style="width: 698px;"> यो उपलब्धीमा खुसी मनाउन क्रिस्टियानो रोनाल्डो भने टिमसँग थिएनन् । उनी प्रतिबन्धबाट गुज्रिरहेका छन् । समूह ‘ई’ मा भने इर्लिङ हालान्डको दुई गोलको मदतले नर्वेले इटालीलाई ४–१ ले हरायो । समूह विजेता भन्दै नर्वे सन् १९९८ यता पहिलो पटक विश्वकप पुगेको छ । हालान्डले यो छनोट यात्रामा एक्लैले १६ गोल गरे र लगभग एक्लैले आफ्नो देशलाई यो उपलब्धी चुमाए ।

पोर्चुगल र नर्वेले काट्यो विश्वकपको टिकट

काठमाडौं। साहसिक खेलमा रुचि बढ्दै गएको समयमा एक्टेरा नेपाल आफ्नो दोस्रो संस्करणसहित फेरि पोखराको बेगनास किनारमा फर्किन लागेको छ।&nbsp; मंसिर १३ गते हुने यो आयोजनालाई पेरिविङ्कल्स सर्भिस प्रालिले अन्तर्राष्ट्रिय एक्सटेरा प्लानेट ब्रान्डसँगको सहकार्यमा अघि बढाएको हो। एक्सटेरा विश्वभरै अफ–रोड ट्रायथलन र ट्रेल–रनिङको पहिचान बनाइएकै कारण यो आयोजनाले नेपालमा साहसिक पर्यटन र खेल दुवैलाई जोड्ने अपेक्षा गरिएको छ। आयोजकले आइतबार गरेकाे पत्रकार सम्मेलनमा पूर्ण दूरी ट्रायथलनदेखि लिएर स्प्रिन्ट ट्रायथलन, डुआथलन, मिश्रित रिले र छुट्टाछुट्टै ट्रेल रनसम्मका विकल्प समावेश गरिएको जानकारी दियो। पूर्ण दूरी ट्रायथलनमा १.५ किलोमिटर पौडी, बेगनास वरपरको टेकाडी हुँदै २८ किलोमिटर माउन्टेन बाइक (१४/१४ किलोमिटरका दुई ल्याप) र अन्त्यमा १२ किलोमिटर ट्रेल रन रहनेछ। छोटो दूरी रोज्नेका लागि स्प्रिन्ट ट्रायथलनमा ७५० मिटर पौडी, १४ किलोमिटर बाइकिङ र ६ किलोमिटर ट्रेल रन समावेश छ। डुआथलनमा ‘रन–बाइक–रन’ ढाँचामा ६–१४–६ किलोमिटरको दूरी रहनेछ भने मिश्रित रिलेमार्फत टोलीगत प्रतिस्पर्धाको स्वाद पनि सहभागीले लिन सक्नेछन्। ट्रेल रनमा १२ र ६ किलोमिटरका दुई छुट्टाछुट्टै कोर्स रहनेछ। यो संस्करणप्रति अन्तर्राष्ट्रिय खेलाडीको चासो उल्लेख्य देखिएको आयोजकले बताएको छ। हालसम्म ३० विदेशी खेलाडीले नाम दर्ता गराइसकेका छन् भने करिब १०० नेपालीलाई प्रतिस्पर्धामा सहभागी हुने अनुमान गरिएको छ। पूर्ण दूरी ट्रायथलन र १२ किलोमिटर ट्रेल रनमा नगद पुरस्कारसमेत राखिएको छ। दुवै विधाका महिला र पुरुष विजेताले ३० हजार, उपविजेताले २० हजार र तेस्रो स्थान प्राप्तकर्ताले १० हजार रुपैयाँ प्राप्त गर्नेछन्। साहसिक खेल पर्यटनलाई नयाँ उचाइमा पुर्‍याउने उद्देश्यसहित एक्टेराले बेगनासलाई फेरि एकपटक आफ्ना प्रतिस्पर्धीहरूको मुख्य रंगमञ्च बनाएको छ।

एक्टेरा नेपालको दोस्रो संस्करण मंसिर १३ मा

नेपाली घरेलु क्रिकेटलाई सबैभन्दा बढी नजिकबाट बुझेका कोही दुई प्रशिक्षक छन् भने ती हुन्, पुबुदु दसानायेके र मोन्टी देसाइ । अझ मोन्टीले त नेपाली राष्ट्रिय क्रिकेट टिम छाडेका पनि धेरै भइसकेको छैन् । त्यति मात्र होइन्, मोन्टीकै नेतृत्वमा त हो, नेपालले एकपछि अर्को एतिहासिक प्रदर्शन गरेको । अब यिनै मोन्टी यसपल्ट काठमाडौं गोर्खाजसँग जोडिएका छन् । अनि काठमाडौं आफैमा उत्साहित छ, यसपल्टको प्रतियोगिता मोन्टी ‘फ्याक्टर’ निर्णायक हुन सक्नेछ । प्रतियोगिताको सोमबार पहिलो पहिलो खेलमा काठमाडौंले नै डिफेन्डिङ च्याम्पियन जनकपुर बोल्ट्सको सामना गर्नेछ । फेरि मोन्टी के आए, काठमाडौंसँग भाग्य पनि फर्केको छ । गत वर्ष अक्सनका अभाग्यशाली रहेको काठमाडौंलाई यसपल्ट भने भाग्यले साथ दिएको छ । त्यसैले त अक्सनबाटै आदिल आलाम अन्सारी जस्ता खेलाडी भित्रिएका छन् । फेरि एकपल्ट टिमको कप्तानी करण केसीले गर्नेछन् भने टिममा रसिद खान पनि छन् । काठमाडौंलाई लिएर सबैभन्दा ठूलो प्रश्न हो, के यसपल्ट काठमडौं प्ले–अफका लागि छनोट हुने छ त ? काठमाडौं टिम नजिक रहेकालाई विश्वास गर्ने हो भने यसपल्ट टिम लिग चरणको समाप्तीमा शीर्ष चारमा रहन सक्षम छ । गत सिजन काठमाडौं लिग चरणको समाप्तीमा पाँचौं चरणमा रहेको थियो र यसै कारण प्ले–अफ पुग्न सफल रहेको छैन् । त्यसैले यही कारण सबैभन्दा पहिले टिमको एउटै लक्ष्य मात्र हुनेछ, शीर्ष चारमा रहेर प्ले–अफमा प्रवेश । त्यसपछि मात्र टिमले अन्य अवस्थाबारे सोच्नेछ । अनि एउटा तथ्य के पनि हो भने यही एक उद्देश्यका लागि काठमाडौंले मोन्टीलाई प्रशिक्षक बनाएको पनि हो ।

मोन्टी निर्णायक हुने विश्वास

काठमाडौँ। कर्णाली यश्विसलाई लगातार दोस्रो सिजन पनि एभरेस्ट महिला भलिबल लिगको उपाधि दिलाउन महत्वपूर्ण भुमिका खेलेकी कप्तान सुमित्रा रेग्मी दोस्रो सर्वोत्कृष्ट खेलाडी घोषित भएकी छिन्।&nbsp; यो सँगै उनले ५० हजार पाइन्। यस्तै, कर्णालीकै प्रशिक्षक कुमार राई उत्कृष्ट प्रशिक्षक हुँदै २५ हजार प्राप्त गरेका छन्।&nbsp; त्रिपुरेश्वरस्थित राष्ट्रिय खेलकुद परिषद् (राखेप) को कर्भड हलमा शनिबार सम्पन्न फाइनल खेलमा कर्णालीले ललितपुर क्वियन्सलाई ३–२ को सेटमा पराजित गर्दै प्रतियोगिताका सबै खेलमा जित दर्ता गर्दै च्याम्पियन बन्न सफल भएको थियो।&nbsp; निकै रोमाञ्चक बनेको फाइनल खेलमा पाँचौँ सेटमा पुगेर कर्णालीले ललितपुरलाई हरायो। उपाधिसँगै कर्णालीले १० लाख पाउँदा ललितपुरले ५ लाखमा चित्तबुझायो। व्यक्तिगत अवार्डतर्फ कस्ले के जिते&nbsp;उत्कृष्ट प्रशिक्षक : कुमार राई (कर्णाली यशविस)सर्वोत्कृष्ट खेलाडी : सुमित्रा रेग्मी (कर्णाली यशविस)उत्कृष्ट सर्भर : साफिया पुन (कर्णाली यशविस)उत्कृष्ट सेटर : जसना महतो (कर्णाली यशविस)उत्कृष्ट डिफेन्डर : सलिना श्रेष्ठ (ललितपुर क्विन्स)उत्कृष्ट ब्लकर : संगम महतो (ललितपुर क्विन्स)उत्कृष्ट स्पाइकर : उषा भण्डारी (काठमाडौं स्पाइकर्स)

कर्णालीकी सुमित्रा सर्वोत्कृष्ट खेलाडी

काठमाडौं। फिफा विश्वकप छनोट अन्तर्गत युरोपेली छनोटमा स्पेनले फराकिलो जित हासिल गरेको छ। यो स्पेन पछिल्लो ३० खेलमा अपराजित छ। समूह ई को खेलमा स्पेनले जर्जियालाई उसैको मैदानमा ४–० ले पराजित गरेको हो। यो जितसँगै स्पेनले पाँच खेलमा पाँच जितसँगै १५ अंक जोडेको छ। सोहि समूहमा १२ अंकसहित टर्की दोस्रो स्थानमा छ।&nbsp; पाहुना टोली स्पेनको&nbsp;जितमा मिकेल ओयारजाबालले दुई, मार्टिन जुबिमेन्डी र फेरन टाेरेस एक गाेल गरे।&nbsp; पहिलो हाफमा ३–० को अग्रता बनाएको&nbsp;स्पेनले दोस्रो हाफमा थप एक गोल गर्न सफल भयाो।

विश्वकप छनोट : स्पेनको फराकिलो जित

नेपाल प्रिमियर लिग (एनपीएल) २०२५ सोमबारदेखि सुरु हुँदैछ र पहिलो दिनको खेलमा भिड्दै छन्, जनकपुर बोल्ट्स र काठमाडौं गोर्खाज । अब हामी प्रतियोगितामा सहभागी आठ टिम के कस्ता छन् भनेर त्यसको क्रमशः छोटकरीमा विश्लषण गर्दैछौं, पहिलो पालो जनकपुरको । डिफेन्डिङ च्याम्पियनका रूपमा चुनौती पेस गर्दैछ, जनकपुर बोल्ट्सले । यो जनकपुरको सान पनि हो, अनि उत्तिकै चुनौती पनि । एनपीएलको पहिलो सिजन उसले जसरी जितेको थियो, त्यो च्याम्पियनकै शैलीमा थियो । त्यस जितका मुख्य रणनीतिकार थिए, प्रशिक्षक पुबुदु दसानायेके । तर यसपल्ट उनी टिममा हुने छैनन्, उनी लागेका छन्, विराटनगर किंग्समा । अनि पुबुदुको ठाउँमा आएका छन्, वेस्ट इन्डिजका शिवनारान चन्द्रपउल ।&nbsp;त्यति मात्र होइन्, न्युजिल्यान्डका जिम्मी निसम पनि पोखरा एभेन्जर्स पुगेका छन् । पुबुदु र निसम नहुनु टिमका लागि पक्कै पनि घाटा नै हो । तर यसबीच चन्द्रपउल जत्तिको प्रशिक्षक भने टिममा भित्रिएका छन् । आखिरमा सबैलाई थाहा छ, यी चन्द्रपउल विश्व क्रिकेटकै ठूला नाममध्ये एक हुन् । उनको खेल जीवनको तथ्यांक मात्र हेर्नु पर्छ, यो धेरैका लागि आश्चर्यजन पार्न सक्ने खालकै छ । जनकपुरका सहायक प्रशिक्षक हुन्, मनोज कटुवाल । चन्द्रपउलले स्वंय आफूले भने जस्तै टिम र खेलाडीबारे धेरै जानकारी छैन्, त्यसैले यहाँनिर मनोजको भूमिका र महत्त्व एकाएक बढेको छ ।&nbsp; निसमको अनुपस्थितिमा जनकपुरले वानय पार्नेल र इमरान ताहिर जस्ता खेलाडी टिममा ल्याएको छ । उनीहरूमा अनुभवको कुनै कमी छैन् । त्यसमाथि लाहिरु मिलान्था त टिममा छँदै छन् । टिमका कप्तान रहेका छन्, अनिल साह । अनि मार्की खेलाडीमा आसिफ सेख । उनीहरूकै कारण टिमको सुरुआती ब्याटिङ क्रम साँच्चै बलियो देखिन्छ । मिलान्था गत सिजन प्रतियोगितामै सबैभन्दा बढी रन बनाउने खेलाडी थिए । त्यति मात्र होइन्, गत सिजननै सबैभन्दा बढी विकेट लिएका ललित राजवंशी पनि जनकपुरकै खेलाडी हुन् । यस्तोमा तय छ, जनकपुरले पेस गर्ने प्रतिद्वन्द्वीता बलियो नै रहनेछ ।

जनकपुरलाई उपाधि जोगाउने चुनौती

काठमाडौं। कर्णाली यश्विस लगातार दोस्रो संस्करणको एभरेष्ट महिला भलिबल लिग च्याम्पियन बनेको छ। निकै रोमाञ्च बनेको फाइनल खेल पाँचौं सेटमा पुगेर कर्णालीले १५-८ ले जितेको हो।&nbsp; त्रिपुरेश्वरस्थित राष्ट्रिय खेलकुद परिषद् (राखेप) को कर्भड हलमा शनिबार सम्पन्न फाइनल खेलमा कर्णाली ३-२ को सेटमा विजयी भयो। पहिलो सेट, २६-२४, दोस्रो सेट २५-17 ले आफ्नो पक्षमा पारेको कर्णालीले तेस्रो सेट १३-२४ र चौथो सेट १७-२५ ले गुमाएको थियो। तर, पाँचौं सेटमा कर्णालीले १५-८ ले बाजि मर्यो। पाँचौं सेटमा पहिलो अंक जोडेको ललितपुर त्यसपछि खेलमा सम्हालिन सकेन। त्यसपछि कर्णालीले लगातार खेलमा ७ अंक जोड्न सफल भयो। ८-२ को अबस्थामा पाँचौं सेटको खेलमा कर्णालीले कोर्ट परिवर्तन गर्न सफल भयो। कोर्ट परिवर्तन गरेपछि पनि पहिलो अंक जोडेको ललितपुर पुन: सम्हालिन सकेन। कर्णाली लिगका सबै खेलमा जित हासिल गर्दै फाइनलमा पुगेको हो। कुमार राईको प्रशिक्षणमा रहेको कर्णालीले यो सिजन पनि शानदार प्रदर्शन काय राख्यो। यता, उत्सव खड्काको प्रशिक्षणमा रहेको ललितपुरले लिगको अन्तिम खेलमा कर्णालीसँगै ३-२ को सेटमा पराजित भएको थियो। उनकै नेतृत्वमा रहेको टिम दोस्रो सिजन पनि फाइनलमा कुमार राईको टिमसँग पराजित भयो।

ललितपुरलाई हराउँदै कर्णाली च्याम्पियन

नेपाल क्रिकेट संघ (क्यान) ले नेपाल प्रिमियर लिग (एनपीएल) २०२५ को तयारी पूरा भएको शनिबार जनाएको छ । प्रतियोगिता सोमबारदेखि कीर्तिपुरको टीयू मैदानमा सुरु हुँदैछ । पहिलो दिनको खेलमा डिफेन्डिङ च्याम्पियन जनकपुर बोल्ट्सले काठमाडौं गोर्खाजको सामना गर्नेछ । शनिबार पत्रकार सम्मेलन गर्दै कुल २४ दिन सञ्चालन हुने प्रतियोगिताका लागि आवश्वयक सबै तयारी पूरा भएको र सक्दो राम्रो माहोल सिर्जना गर्ने प्रयास हुने क्यानले जनाएको हो । त्यस अवसरमा सचिव पारस खड्काले नेपालमा पहिलो पटक डे नाइट क्रिकेट हुन लागेको र यो ऐतिहासिक रहेको बताए । उनले त्यसका लागि क्यानले लामो समयदेखि तयारी गरिरहेको पनि दाबी गरे । ‘एनपीएल एउटा प्रतियोगिता मात्र नभएर उद्योगको रूप लिने क्रममा रहेको छ,’ खड्काले भने । प्रतियोगितको विजेताले यसपल्ट पनि एक करोड १० लाख रुपैंया प्राप्त गर्नेछ । क्यानले यसपल्टको प्रतियोगिताकै क्रममा ३० करोड रुपैंया देखि माथि नै आन्दानी हुने पनि विश्वास राखेको छ । त्यसमधये टिम मालिकबाट नौ करोड, ओटीटी प्रशारण अधिकारबाट पाँच करोड र टिकट विक्रीबाट आठदेखि १२ करोड रुपैंया भित्रिने मानिएको छ ।

एनपीएल २०२५ को तयारी पूरा

काठमाडौँ, कात्तिक २९ गते । वडा नं १३ ले शनिबार तेस्रो प्रयागराज सिंह सुवाल स्मृति अन्तर वडा फुटसल प्रतियोगिताको उपाधि जितेको छ । वडा १३ &nbsp;पहिलो संस्करणमा उपविजेता बनेको थियो । वडा २३ को आयोजनामा लैनचौर फुटसल मैदानमा आयोजना भएको प्रतियोगिताको फाइनलमा वडा १३ ले वडा नं ४ लाई पेनाल्टि सुटआउटमा २-० ले पराजित गर्यो । निर्धारित समयको खेल गोलरहित बराबरीमा सकिएको थियो । पेनाल्टि सुटआउटमा विजयी टिमका लागि अभय राना &nbsp;र आसिस कपालीले गोल गरे । वडा नं ४ बाट पेनाल्टि सुटआउटमा गोल हुन सकेन । अभय फाइनलका म्यान अफ दि म्याच बने । यसैगरी वडा १३ का विकेश शाही सर्वाधिक गोलकर्ता बने । उनले कूल ७ गोल गरे । यसैगरी वडा ४ का विक्रान्त नरसिंह राना सर्वश्रेष्ठ खेलाडी र वडा १३ का विशाल शाही सर्वश्रेष्ठ गोलकपर चुनिए । विजेता वडा १३ ले ट्रफीसहित दुई लाख रुपियाँ प्राप्त गर्यो । उपविजेता वडा ४ टिमले एक लाख रुपियाँ प्राप्त गर्यो । यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस-दस हजार रुपियाँले पुरस्कृत गरियो । पहिलो संस्करणमा वडा नं १४ र दोस्रो संस्करणमा १६ ले उपाधि जितेका थिए । समापन कार्यक्रममा आयोजक वडा १३ का अध्यक्ष &nbsp;मचाराजा महर्जनले यस्ता प्रतियोगिता विगतमा केन्दीय स्तरबाट मात्र भइहेको बेला आफूहरूले धेरै मिहिनेतकासाथ बजेट निकासा गरेर यति ठुलो प्रतियोगिता गर्न सफल भएको बताउनुभयो ।

वडा १३ प्रयागराज सिंह सुवाल स्मृति अन्तर वडा फुटसल च्याम्पियन

काठमाडौं । छैटौं संस्करणको राष्ट्रिय तथा अन्तर्राष्ट्रिय आमन्त्रित क्लब महिला तथा पुरुष भलिबल प्रतियोगिता टाइगर कप भलिबल माघमा हुने भएको छ।&nbsp; आयोजक टाइगर ग्रुप अफ पोखराले शनिबार खेलकुद पत्रकार मञ्च त्रिपुरेश्वरमा पत्रकार सम्मेलन गरी माघ ९ गते देखि १८ गतेसम्म प्रतियोगिता आयोजना गर्ने जानकारी गराएका हो। प्रतियोगिताका खेलहरु पोखरा रंगशालाको भलिबल कोर्टमा हुने छ। प्रतियोगिताको पुरस्कार राशी यस पटक पनि बढाइएको छ। गत संस्करणको विजेताले ५ लाख ८५ हजार ५ सय ५५ रुपैयाँ प्राप्त गरेकोमा यस पटकको विजेताले ६ लाख ६६ हजार ६ सय ६६ रुपैयाँ प्राप्त गर्ने छन्। यसैगरी दोस्रो हुनेले ३ लाख ६६ हजार ६ सय ६६ प्राप्त गर्दा तेस्रो हुने टिमले १ लाख ६६ हजार ६ सय ६६ रुपैयाँ पुरस्कार प्राप्त गर्ने टाइगर ग्रुप अफ पोखराका अध्यक्ष नारायण प्रसाद शर्माले जानकारी दिए।

टाइगर कप भलिबल माघ दोस्रो साताबाट

काठमाडौं, एभरेष्ट महिला भलिबल लिगको फाइनलमा आज कर्णाली याश्विज र ललितपुर क्विन्स खेल्दैछन्।&nbsp; लिगमा शप्रतिशत जितसँगै कर्णाली उपाधि रक्षा गर्ने अभियानमा छ। लिग चरणका सबै खेलमा जित हासिल गरेकाे कर्णाली दाेस्राे पटक पनि च्याम्पियन बन्ने दाउमा छ। यता, ललितपुरले गत सिजन फाइनलको बदला लिन चाहन्छ।&nbsp; लिग चरणको अन्तिम खेलमा शुक्रबार कर्णालीले पुनरागमन गर्दै ललितपुरलाई ३–१ ले पराजित गरेकाे थियाे।<div> </div>

फाइनलमा कर्णाली याश्विज र ललितपुर क्विन्स खेल्दै

क्रोएसियाले विश्वकप २०२६ मा शुक्रबार राति आफ्नो स्थान सुरक्षित गरेको छ । यसका लागि उसले युरोपेली छनोटमा फारो आयरल्यान्डलाई ३–१ ले हरायो । फारोले जेजा डेविडको गोलले अप्रत्यासित अग्रता लिएपछि क्रोएसियाका लागि जोस्को ग्रारिडोल, पिटर मुसा र निकोला भ्लासिचले गोल गरे । सन् २०१८ विश्वकप उप–विजेतालाई अब समूह ‘एल’ मा कसैले उछिन्न सक्ने छैन् । यसै समूहका मोन्टेनेग्रोले जिब्राल्टरलाई ३–१ ले हरायो । यस्तै नेदरल्यान्ड्स पनि छनोटको नजिक पुगेको छ । समूह ‘जी’ मा पोल्यान्डले नेदरल्यान्ड्सलाई १–१ को बराबरीमा रोकेको हो । जर्मनीले आफ्नो छनोटका लागि अन्तिम खेल कुर्नु पर्नेछ । निक वाल्टेमोडको दुई गोलका मदतले जर्मनीले लक्जेम्बर्गलाई २–० ले हरायो । जर्मनीको समूह ‘ए’ अर्को खेलमा स्लोभाकियाले उत्तरी आयरल्यान्डलाई १–० ले पराजित गर्‍यो । अन्य खेलमा फ्रान्सले युक्रेनलाई ४–०, आयरल्यान्डले पोर्चुगललाई २–०, माल्टाले फिनल्यान्डलाई १–०, इटालीले मोल्डोभालाई २–०, इंग्ल्यान्डले सर्बियालाई २–० र अल्बानियाले एन्डोरालाई १–० ले हरायो ।

क्रोएसिया भयो विश्वकपमा छनोट

काठमाडौं एभरेस्ट महिला भलिबल लिग अन्तर्गत समूह चरणको अन्तिम खेलमा काठमाडौं स्पाइकरसले रोमाञ्चक जित निकाल्दै तेस्रो स्थानमा रहेर प्रतियोगिताको अन्त्य गरेको छ। त्रिपुरेश्वस्थित राष्ट्रिय खेलकुद परिषद् राखेपको कभर्ड हलमा शुक्रबार उषा भण्डारीको कप्तानीमा रहेको काठमाडौंले अरुना शाहीको कप्तानीमा रहेको लुम्बिनी लाभालाई ३–२ को सेटमा पराजित गरेको हो।&nbsp; पहिलो २३–२५ र दोस्रो सेट २४–२६ ले पराजय व्यहोरेको काठमाडौंले बाँकी तीन खेलमा २५–१७, २५–१६, १५–६ ले रोमाञ्चक जित हासिल गर्यो। जितसँगै काठमाडौंको ९ अंक पुगेको छ। पराजित लुम्बिनीको समान खेलबाट ६ अंकसहित प्रतियोगिता सकायो।

रोमाञ्चक जितसँगै काठमाडौँ तेस्रो स्थानमा

काठमाडौं। एन्फा प्रेसिडेन्ट लिग फुटबल २०८२ अन्तरगत शुक्रबार भएको खेलमा काँक्रेविहार सेमिफाइनलमा प्रवेश गरेको छ। समूह ए बाट काँक्रेविहार १० अङ्क सहित दोस्रो भयो। काक्रेबिहारले गाईघाट फुटबल क्लबलाई ५–३ ले हरायो। सेमिफाइनलमा नव जनजागृतिले चित्लाङ एफसी तथा काक्रेबिहारले लालीगुराँस एसोसिएसन क्लबसँग खेल्ने छन्।&nbsp; काँक्रेविहारका लागि अनीश घर्ती क्षेत्रीले ह्याट्रिक गरे। आशिष चापागाईँ र गणेश पुलामी मगरले थप गोल गरे। गाईघाटका पविन राईले दुई गोल गरे भने विवश श्रेष्ठले एक गोल गरे।&nbsp; २ मङ्सिरसम्म हेटौडामा आयोजना हुने लिगमा शीर्ष ४ स्थान पाउने टोली राष्ट्रिय लिगमा प्रवेश पाएका छन्। प्रेसिडेन्ट लिगको विजेता टोलीले १० लाख रुपैयाँ पुरस्कार पाउने छ। उपविजेताले ५ लाख रुपैयाँ पुरस्कार पाउने छ।

गाईघाटलाई हराउँदै काँक्रेविहार सेमिफाइनलमा

काठमाडौँ, कात्तिक २८ गते । वडा नं ४ र वडा नं १३ बिच तेस्रो प्रयागराज सिंह सुवाल स्मृति अन्तर वडा फुटसल प्रतियोगिताको उपाधि भिडन्त हुने भएको छ । वडा २३ को आयोजनामा लैनचौर फुटसल मैदानमा भइरहेको प्रतियोगिताअन्तर्गत शुक्रबार भएको सेमिफाइनलमा वडा ४ ले वडा ११ लाई सडन डेढमा ६–५ र पराजित गर्यो । निर्धारीत समयको खेल २–२ ले बराबरीमा सकिएको थियो । निर्धारीत समयमा वडा ४ का लागि दुवै गोल प्रसिद्ध थापा मगरले गरे । वडा ११ का लागि धने श्रेष्ठ र शंकर ध्वजले गोल गरेका थिए । सो खेलमा प्रसिद्ध म्यान अफ दि म्याच बने । अर्को सेमिफाइनलमा वडा १३ ले वडा ६ लाई पेनाल्टी सुटआउटमै २–१ ले पराजित गर्यो । &nbsp;निर्धारति समयको खेल १–१ ले बराबरीमा सकिएपछि निर्णय टाइब्रेकरमा भएको हो । निर्धारीत समयमा वडा १३ का लागि विकेश शाही र वडा ६ का लागि संयम घिमिरेले गोल गरेका थिए । प्रतियोगितामा विजेता टिमलाई ट्रफीसहित दुई लाख रुपियाँ प्रदान गरिनेछ । उपविजेता टिमले एक लाख रुपियाँ प्राप्त गर्नेछ । यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस हजार रुपियाँले पुरस्कृत गरिनेछ । पहिलो संस्करणमा वडा नं १४ र दोस्रो संस्करणमा १६ ले उपाधि जितेका थिए ।

वडा ४ र १३ बिच प्रयागराज सिंह सुवाल स्मृति फुटसलको उपाधि भिडन्त

नेपालले बंगलादेशविरुद्धको मैत्रीपूर्ण अन्तर्राष्ट्रिय खेललाई बिहीबार २–२ को बराबरीमा रोकेको छ । अनन्त तामाङले दोस्रो हाफको इन्ज्युरी समयमा उत्कृष्ट बराबरी गोल गरे । त्यस अगाडि इंग्ल्यान्डको लेस्टर सिटीका खेल्ने हाम्जा चौधरीले दोस्रो हाफमा दुई गोल गरेपछि बंगलादेश अगाडि रहेको थियो । नेपालले रोहित चन्दको गोलले २९ औं मिनेटमा अग्रता लिएको थियो । नेपालका लागि यो रोहितका दोस्रो व्यक्तिगत गोल मात्रै हो । हाम्जाले दोस्रो हाफ सुरु हुने वित्तिकै चार मिनेटको अन्तरमा दुई गोल गरे । उनले ४६ औं मिनेटमा ‘ओभर हेड बाइसाइकल किक’ को मदतले सुन्दर र उच्च दर्जाको गोल गरे । हाम्जाले ५० औं मिनेटमा पेनल्टीबाट दोस्रो गोल थपे । रोहितले यसअघि सन् २०२४ मा अफगानिस्तानविरुद्ध अन्तर्राष्ट्रिय मैत्रीपूर्ण खेलमा पहिलो गोल गरेका थिए । यस खेलबाट हरि खड्काले प्रशिक्षकका रूपमा नेपालका लागि डेब्यु गरेका छन् ।

Nepalsports

⚽ Upcoming Matches

🎖 Recent Matches

📰 Recent News

Nepalsports