Manang Marsyangdi Club

Aashish Dhakal

काठमाडौँ । लिभरपुलले यस सिजनको इंग्लिस प्रिमियर लिगको उपाधि जितेको छ। गएराती सम्पन्न खेलमा टोटनह्यामविरुद्ध ५-१ गोल अन्तरको जित हासिल गर्दै लिभरपुलले सिजनका चार खेल अघि नै लिगको उपाधि जितेको हो। लिभरपुलको ३४ खेलमा ८२ अंक भएको छ। लिभरपुल हाल दोस्रो स्थानमा रहेको आर्सनल भन्दा स्पष्ट १५ अंकले अगाडी रहेको छ। लिभरपुलले सबैभन्दा बढी २० पटक लिग जित्ने म्यानचेस्टर युनाइटेडको रेकर्डको बराबरीसमेत गरेको छ। लिभरपुलले पछिल्लो पटक २०१९-२० सिजनको लिग जितेको थियो।&nbsp;त्यस्तै म्यानचेस्टर युनाइटेडले भने पछिल्लो पटक २०१२-१३ सिजन जिते यता प्रिमियर लिग जित्न सकेको छैन। &nbsp; &nbsp;&nbsp;

लिभरपुलले जित्यो प्रिमियर लिगको उपाधि

काठमाडौं। यू-१९ राष्ट्रिय पुरुष फुटबल टोलीका मुख्य प्रशिक्षक उर्जण श्रेष्ठले आगामी साफ च्याम्पियनसिपको लागि आफ्नो टोलीको अन्तिम छनोट गरेका छन्।&nbsp; मे ९ देखि २८ सम्म भारतमा आयोजना हुने साफ च्याम्पियनसिप आयोजना हुँदैछ।&nbsp; समूह ए मा माल्दिभ्स, भुटान र बंगलादेश रहेका छन् भने नेपाल, आयोजक भारत र श्रीलंका अर्को समूह 'बी'मा छन्।&nbsp; नेपाली टोली: भक्तबहादुर परियार, उपेन्द्र लवागुन, विशेष बानियाँ, रोशन तामाङ, रोहन मोक्तान, प्रशान्त मोक्तान, कुशाहाङ नेम्वाङ, मदन पौडेल, राम थापा, विजय उर्वा, सिद्धान्त खड्का, कृष्णबहादुर आले, कृष थापा मगर, सरोज दर्लामी, लच्छु थापा, सविनकुमार लुंगेली मगर, रञ्जित लामा, सुवास बम, विज्ञान खड्का, पवन पाख्रिन, धर्मेन्द्र कुँवर, सुजन डंगोल, प्रसुन तामाङ

यू१९ साफको लागि नेपाली टोली घोषणा

काठमाडौं। राष्ट्रिय पुरुष र महिला हक्की प्रतियोगिता हुने भएको छ। नेपाल हक्की संघको वार्षिक कार्यक्रम बैशाख १७ देखि २६ गतेसम्म“राष्ट्रिय पुरुष हक्की प्रतियोगिता र बैशाख १८ गते देखि वैशाख २६ गतेसम्म राष्ट्रिय महिला हक्की प्रतियोगिता हुन लागेको हो।&nbsp;ललितपुरस्थित च्यासल फुटबल मैदानमा हुने राष्ट्रिय पुरुष हक्की प्रतियोगितामा आठ राष्ट्रिय महिला हक्की प्रतियोगिता चार टिमले प्रतिस्पर्धा गर्ने संघले जनाएको छ। पुरुषमा तीन विभागीय टोली नेपाल पुलिस, त्रिभुवन आर्मी तथा एपिएफसहित प्रदेशका मधेश, कर्णाली, गण्डकी, कोशी र बागमती सहभागी हुने छन् । एपिएफ हक्कीमा नयाँ टोली पनि हो। पुरुषमा सहभागी टोलीलाई दुई समूहमा विभाजन गरिएको छ। प्रतियोगिता कम नकआउट आधारमा खेल खेलाइने छ। महिलामा भने नेपाल आर्मी, गण्डकी प्रदेश, मधेस प्रदेश र बागमती प्रदेशले राउन्ड रोविन लिगका आधारमा प्रतिस्पर्धा गर्ने छ। राउन्ड रोविन लिगपछि शीर्ष दुई स्थानमा रहने टोलीबीच उपाधि भिडन्त हुनेछ। पुरुष तथा महिला दुवै प्रतियोगितामा शीर्ष तीन स्थान हात पार्ने टिमले क्रमशः ७५ हजार, ५० हजार र २५ हजार नगद पुरस्कार प्राप्त गर्ने छन्। विधागत उत्कृष्ट खेलाडीलाई जनही पाँच हजार नगद पुरस्कार प्रदान गरिने संघले जनाएको छ। प्रत्येक खेलको 'प्लेयर अफ द म्याच' दुई हजार नगदबाट पुरस्कृत हुनेछ। राष्ट्रिय पुरुष हक्की प्रतियोगिता सञ्चालन गर्न करिब ३५ लाख खर्च हुने अनुमान गरिएको छ। राष्ट्रिय महिला हक्की प्रतियोगिता सञ्चालन गर्न करिब २५ लाख खर्च हुने अनुमान गरिएको छ।

राष्ट्रिय महिला तथा पुरुष हक्की हुने

काठमाडौं । बार्सिलोनाले कोपा डेल रे को उपाधि जितेको छ। शनिबार राति सम्पन्न फाइनल खेलमा रियल मड्रिडलाई ३–२ गोल अन्तरले हराउँदै कोपा डेल रेको उपाधि जितेको हो। बार्सिलोनाको जितमा पेड्री, फेरान टोरेज र जुलेज कोउण्डेले एक एक गोल गरे। यता रियलका लागि किलीयन एम्बाप्पे र आरेहलिएन चुहमेनीले एक एक गोल गरे।&nbsp; निर्धारित ९० मिनेटमा दुवै टिमबाट २–२ गोल भएपछि खेल ३० मिनेट अतिरिक्त समय खेलाइएको थियो। खेलको १२० मिनेटमा रियलका एन्टोनियो रुडीगेर र लुकास भाजक्वेजले रातो कार्ड पाएका थिए। योसहित बार्सिलोनाले अहिलेसम्म ३२ पटक कोपा डेल रेको उपाधि जितेको छ। रियलले कोपाको उपाधि २४ पटक जितेको छ।

बार्सिलोना च्याम्पियन

&nbsp;काठमाडौं। नेपाल सुपर लिग (एनएसएल) को फाइनलमा पोखरा थन्डर्सलाई पराजित गर्दै ललितपुर सिटी एफसीले लगातार दोस्रोपल्ट उपाधि हात पारेको छ।त्रिपुरेश्वरस्थित दशरथ रंगशालामा शनिबार सम्पन्न खेलमा ललितपुरले दुई विदेशी खेलाडीको गोलमा २–१ को जित हात पारेको हो। ललितपुरले गत संस्करणमा धनगढी एफसीलाई ३–२ ले पराजित गर्दै पहिलोपल्ट उपाधि जितेको थियो। यसपल्ट भने ललितपुर र पोखराले धनगढीलाई पाखा लगाउँदै फाइनलमा स्थान बनाएका थिए। ललितपुरले अपराजित रहँदै उपाधि जित्दा पहिलोपल्ट फाइनल पुगेको पोखराका लागि भने यो खेल पीडादायी बन्यो।&nbsp; ललितपुरलाई जित दिलाउन इजिकेलले यसपल्ट पनि उत्कृष्ट प्रदर्शन गरे। उनले एक गोल र एक असिस्ट गरे। ललितपुरलाई गत संस्करणको उपाधि दिलाउँदा पनि उनले दुई गोल गरेका थिए। अर्को गोल भने पापा इबु केबले गरेका हुन्। पोखराका सुदील राईले गरेको गोल सान्त्वनाबाहेक केही रहेन। ललितपुरलाई सुरुआती अग्रता लिन ४२औं मिनेटसम्म कुर्न परेको थियो।

पोखरालाई हराउँदै ललितपुर च्याम्पियन

काठमाडौं। नेपाल क्रिकेट संघ (क्यान)ले आइसिसी महिला विश्वकप एसिया छनोट खेल्न इन्दु बर्माको कप्तानीमा १४ सदस्यीय टोली घोषणा गरेको छ। क्यानले शुक्रबार थाइल्यान्डमा हुने प्रतियोगिताका लागि अन्तिम टोली घोषणा गरेको हो। टोलीको उपकप्तानी भने पूजा महतोले गर्ने भएकी छन्। टोलीमा इन्दु र पूजाबाहेक रुविना क्षेत्री, रोमा थापा, बिन्दू रावल, कविता जैशी, सम्झना खड्का, राजमती ऐरी, रुवि पोद्दार, कविता कुँवर, सबनम राई, ईश्वरी विष्ट, मनीषा उपाध्यय र रिया शर्मा टोलीमा परेकी छन्। प्रतियोगिता ९ मेदेखि २० मेसम्म थाइल्यान्डमा हुनेछ। प्रतियोगितामा घरेलु टोली र नेपालसहित बहराइन, भुटान, हङकङ, कुवेत, मलेसिया, कतार र युएई छन्। यी टोलीलाई तीन समूहमा विभाजन गरिएको छ। नेपाल भने समूह सी मा छ। यो समूहमा हङकङ र बहराइन छन्। नेपालले पहिलो खेल हङकङसँग ९ मेमा खेल्नेछ। यस्तै, १० मेमा बहराइन र १३ मेमा हङकङसँग पुन: खेल्नेछ। १५ मेमा बहराइनसँग अर्को खेल खेल्दै नेपालले लिगचरण सक्काउने छ। हरेक समूहको विजेताले फाइनल राउन्ड खेल्नेछन्।

विश्वकप एसिया छनोट खेल्न नेपाली टोली घोषणा

काठमाडौं। अखिल नेपाल फुटबल संघ (एन्फा)ले आयोजना गर्ने भनिएको लिग कम नकआउट फुटबल प्रतियोगिता नहुने भएको छ। गत चैत २५ गते सातदोबाटोस्थित एन्फा कम्प्लेक्समा बसेको बैठकले ‘ए’ डिभिजनका क्लब सहभागी हुने प्रतियोगिता आयोजना गर्न लागेको जानकारी दिएका थिए। ‘उपरोक्त सम्बन्धमा एन्फाको आयोजनामा बैशाख २० गते देखि ए डिभिजन क्लबहरूबीच एन्फा कप फुटबल प्रतियोगिता सञ्चालन हुने भनिएकोमा उक्त प्रयितोगिता प्राविधिक कारणले गर्दा स्थगित भएको बेहोरा जानकारी गराउँदछु,’ सहायक महासचिव दामोदर भट्टराई (बद्री)ले पठाएको पत्रमा भनिएको छ। प्रतियोगिता वैशाख २० गतेबाट सुरू हुने एन्फाले जनाएको थियो। प्रतियोगिताका लागि एन्फाले बुधबारसम्म टिम दर्ताको मिति तोकेको थियो। उक्त मितिसम्म विभागीय टोली त्रिभुवन आर्मी, नेपाल पुलिस क्लब, एपिएफ र संकटा क्लबले मात्रै टिम दर्ता भएका थिए। १४ मध्ये ९ क्लबले दर्ता गर्न नगएसँगै बिहीबार एन्फाले प्रतियोगिता नगर्ने निर्णय गरेको हो। एन्फाले १४ वटै क्लबलाई पत्र काटेर यो जानकारी दिइसकेको छ।

लिग कम नकआउट फुटबल प्रतियोगिता नहुने

काठमाडौं। स्टेफन समीर बिनोङको निर्णायक गोलसँगै पोखरा थन्डर्स नेपाल सुपर लिग (एनएसएल) को फाइनलमा प्रवेश गरेको छ। त्रिपुरेश्वरस्थित दशरथ रंगशालामा बुधबार सम्पन्न दोस्रो क्वालिफायरमा पोखराले धनगढी एफसीलाई १–० ले हराएको हो। योसँगै पोखराले उपाधिका लागि साबिक विजेता ललितपुर सिटी एफसीसँग खेल्ने भएको छ।&nbsp; पोखराले इलिमिनेटरमा एफसी चितवनलाई ३–० ले हराउँदै दोस्रो क्वालिफायरमा स्थान बनाएको थियो। धनगढी भने पहिलो क्वालिफायरमा ललितपुरसँग २–१ ले पराजित भएको हो।&nbsp; निर्धारित ९० मिनेटसम्म दुवै टोलीबाट कुनै गोल भएन। तर, इन्जुरी समयको दोस्रो मिनेटमा आयुष घलानको फ्रिकिकमार्फत आएको बललाई समीरले हेडर गर्दै जाली चुमाए।

स्टेफनको निर्णायक गोलमा पोखरा फाइनलमा

काठमाडौं । नेपाली राष्ट्रिय पुरुष फुटबल टिमले हङकङसँग एक मैत्रीपूर्ण खेल खेल्ने भएको छ। अखिल नेपाल फुटबल संघ (एन्फा)का अनुसार उक्त मैत्रीपूर्ण खेल हङकङमा नै हुनेछ। ५ जुनमा हुने प्रतियोगिताका लागि हङकङले नै नेपाललाई निम्तो दिएको हो।&nbsp; नेपालले पछिल्लोपल्ट घरेलु टोली मलेसियासँग २५ मार्चमा एएफसी एसियन कप छनोट खेलेको थियो। उक्त खेलमा नेपाल २–० ले पराजित भएको थियो। अब नेपालले १० जुनमा लाओससँग खेल्दैछ। त्यसैको तयारीस्वरूप हङकङसँग नेपालले मैत्रीपूर्ण खेल खेल्न लागेको हो।

नेपालले हङकङसँग मैत्रीपूर्ण खेल खेल्ने

काठमाडौं । तेस्रो संस्करणको नेपाल सुपर लिग (एनएसएल) को फाइनलमा प्रवेशका लागि आज पोखरा थन्डर्स र धनगढी एफसी खेल्दैछन्। त्रिपुरेश्वरस्थित दशरथ रंगशाला हुने खेल साँझ ६ बजेबाट शुरू हुनेछ। यसअघि आइतबार भएको एलिमिनेटरमा चितवनलाई हराउँदै पोखरा दोस्रो क्वालिफायरमा पुगेको हो। त्यस्तै, गत शनिवार भएको पहिलो क्वालिफायरमा धनगढी साविक विजेता ललितपुर सिटीसँग पराजित भएको थियो। पोखरा र धनगढीबीच हुने खेलको विजेताले उपाधिका लागि ललितपुर सिटीसँग शनिबार खेल्नेछ। आजको खेल हेर्न ब्राजिलका चर्चित फुटबलर रोबर्टाे कार्लाेस दशरथ रङ्गशाला जाने भएका छन्। कार्लोस मंगलबार काठमाडौं आइपुगेका हुन्।

एनएसएल : फाइनल प्रवेशको लागि धनगढी र पोखरा भिड्दै

काठमाडौं। दक्षिण एसिया क्षेत्रीय युथ टेवल टेनिस च्याम्पियनसिप बिहीबारदेखि सुरु हुने भएको छ। एसियन टेबल टेनिस युनियन (एटिटियु)को वार्षिक कार्यक्रमअनुसार अखिल नेपाल टेबल टेनिस संघको आयोजनामा प्रतियोगिता हुन लागेको हो। प्रतियोगिता यहीँ बैशाख ११ देखि १४ गतेसम्म लैनचौरस्थित राष्ट्रिय टेबल टेनिस प्रशिक्षण केन्द्रमा हुनेछ।&nbsp; प्रतियोगितामा भारत, पाकिस्तान, श्रीलंका, बंगलादेश, माल्दिभ्स र नेपाल गरी जम्मा ६ राष्ट्रहरु सहभागी हुनेछन्।&nbsp; प्रतियोगितामा यु–१९ र यु–१५ गर्ल्स र ब्वाइज खेलाडीले सहभागिता जनाउने छन्। टिम इभेन्टस्, सिंगल्स, डबल्स, मिक्स डबल खेलाइनेछ। खेलाडी तथा अफिसियल गरी जम्मा ११३ जना सहभागी हुने संघले जनाएको छ।

बिहीबारदेखि दक्षिण एसिया युथ टेवल टेनिस

काठमाडौं। नेपाल क्रिकेट संघ (क्यान) ले आगामी जुनमा स्कटल्यान्डमा आयोजना हुने आइसिसी क्रिकेट विश्वकप लिग-२ शृंखलाको तयारीका लागि ‘कोर क्याम्प’को घोषणा गरेको छ। पहिलो चरणमा ४९ सदस्यीय प्रारम्भिक टोलीको घोषणा गरिएको थियो। तर, यू-१९ विश्वकप छनोट टोलीका नरेन भट्ट, युवराज खत्री र सन्तोष यादवलाई समेट्दै ४९ सदस्यीय टोलीमा बनाएको छ। क्यानले छनोट गरेको खेलाडीहरूलाई 'नेपाल ब्लु', 'नेपाल ग्रीन', 'नेपाल रेड' र 'नेपाल एल्लो' गरी चार समूहमा विभाजन गरिएको छ। यी चारवटै टोलीका बीचमा अभ्यास खेलहरू खेलाइने छ।<img src="https://s3-np1.datahub.com.np/nepalsports/media/django-summernote/2025-04-22/26a32f90-f471-4f8e-8411-cca75f0d8d91.jpeg" style="width: 698px;"> <img src="https://s3-np1.datahub.com.np/nepalsports/media/django-summernote/2025-04-22/0a926105-28c2-4ea9-99af-731498d47a1c.jpeg" style="width: 698px;">

क्यानले घोषणा गर्यो 'कोर क्याम्प'

काठमाडौं । ब्राजिलका चर्चित फुटबलर रोबर्टो कार्लोस नेपाल आइपुगेका छन्। कार्लोस जारी तेस्रो संस्करणको नेपाल सुपर लिग (एनएसएल)को खेल हेर्न नेपाल आएका हुन्। उनी धनगढी एफसी र पोखरा थान्डर्सबीचको दोस्रो क्वालिफायर खेल हेर्न मैदानमा पुग्नेछन्। ब्राजिलले सन् २००२ को फिफा विश्वकपको उपाधि जित्दा ५१ वर्षीय कार्लोस टिमका सदस्य थिए। उनले ब्राजिलबाट सन् १९९२ देखि २००६ सम्म खेलेका थिए।

काठमाडौं आइपुगे रोबर्टो कार्लोस

काठमाडौं। विभागीय टोली एपिएफका राजीव चिकनबंजार राष्ट्रिय खुला समावेशी टेबल टेनिस प्रतियोगिताको च्याम्पियन बनेका छन्।&nbsp; विश्व टेबल टेनिस दिवसको अवसरमा आयोजित प्रतियोगिताको उपाधि उनले जितेका हुन्। नेशनल फिजिकल डिसेबल्ड टेबल टेनिस एशोसिएसन नेपालको आयोजना भएको प्रतियोगितामा नक्साल टेबल टेनिस क्लबका रक्तचन्द्र मानन्धर दोस्रो भए। उनकै क्लबका धर्मराज थापा तेस्रो हुँदा आयोजक टोलीका स्वीकृत न्यौपानेले तेस्रो स्थानमा चित्त बुझाए।

राजीव च्याम्पियन

काठमाडौं । च्याम्पियन लिगकै सर्वाधिक सफल टोलि रियल मड्रिडलाई हराउँदै लन्डन क्लब आर्सनल सेमिफाइनलमा प्रवेश गरेको छ। सान्तियागो बर्नाबेउनमै बुधबार राति रियल २–१ ले पराजित भयो। पहिलो लेगमा आर्सनल घरेलु मैदानमा ३–० ले विजयी भएको थियो। समग्रमा आर्सनल ५–१ ले विजयी भएको हो। अब, आर्सनलले फाइनल प्रवेशको लागि पेरिस सेन्ट जर्मेन (पिएसजी)सँग खेल्नेछ। यस्तै, आर्सनल सन् २००९ पछि सेमिफाइनलमा प्रवेश गरेको छ।

रियललाई हराउँदै आर्सनल सेमिफाइनलमा

काठमाडौं। एफसी चितवनलाई हराउँदै काठमाडौं रेजर्सले नेपाल सुपर लिग (एनएसएल) को प्लेअफ नजिक पुगेको छ। त्रिपुरेश्वरस्थित दशरथ रंगशालामा सोमबार सम्पन्न खेलमा काठमाडौंले चितवनलाई २–० ले पराजित गरेको हो। योसँगै तेस्रो स्थानमा उक्लिएको काठमाडौंले ६ खेलबाट आठ अंक पुर्‍याएको छ। धनगढीको पनि समान आठ नै अंक छ। तर, गोलअन्तरमा धनगढी अगाडि छ। ११ अंकसहित ललितपुर प्लेअफमा पुगिसकेको छ। धनगढीले दुई र ललितपुरले एक खेल खेल्न बाँकी छ। एक खेल नै खेल्न बाँकी रहेको चितवनको भने सात अंक छ। अब काठमाडौंले पोखरा र झापाको नतिजामा भर पर्नुपर्नेछ। एक खेल खेल्न बाँकी पोखराको पाँच र दुई खेल खेल्न बाँकी झापाको चार अंक छ। झापाले सोमबार नै धनगढीलाई चुनौती प्रस्तुत गर्दैछ। काठमाडौंलाई जित दिलायन बकारी माने र अमडोउ डिओपले गोल गरे। खेलको ३२औं मिनेटमै काठमाडौंले मानेको गोलमा सुरुआती अग्रता लिएको थियो। अट्याकिङ एरियामा पाएको फ्रिककलाई मानेले सहजै गोल गरेर जारी लिगमा चितवनले दोस्रोपल्ट गोल खाएको हो। यसअघि ललितपुरसँग पहिलो गोल खाँदा चितवन २–१ ले पराजित भएको थियो। पहिलो हाफको इन्जुरी समयमा मार्की प्लेयर अञ्जन खड्का मैदानबाट बाहिरिए।

चितवनलाई हराउँदै काठमाडौं तेस्रो स्थानमा

काठमाडौं। घरेलु टोली नेपालले आइसिसी यु–१९ विश्वकप एसिया छनोटमा &nbsp;लगातार दोस्रो जित हासिल गरेको छ।&nbsp; माथिल्लो मूलपानी क्रिकेट मैदानमा सोमबार सम्पन्न खेलमा नेपालले पाहुना टोली ओमानलाई आठ विकेटले पराजित गरेको हो।&nbsp; ओमानले प्रस्तुत गरेको ११८ रनको लक्ष्य नेपालले १४.३ ओभरमा दुई विकेट गुमाएर पूरा गरेको हो।&nbsp; नेपाललाई लगातार दोस्रो जित दिलाउन ओपनर नीरजकुमार यादवले सर्वाधिक ४६ रन बनाए। ३१ बल खेलेका उनले पाँच चौका र दुई छक्का प्रहार गरे। अर्का ओपनर साहिल पटेलले ४२ बलमा तीन चौका र एक छक्का प्रहार गरे। यी दुईबीच पहिलो विकेटका लागि ८५ रनको विशाल साझेदारी भएको थियो। नीरज ९.६ ओभरमा सौम्य भाविनको बलमा वर्षित साईबाट क्याच भए। साहिल भने १३.३ ओभरमा नेपालको स्कोर बोर्डमा १०६ रन हुँदा सौम्यकै बलमा हेमा रमेशबाट क्याच आउट भए।&nbsp; त्यसपछि क्रिजमा आएका कप्तान नरेन भट्टले १२ र सन्तोष यादवले १० अविजित रन बनाउँदै नेपालको जित पक्का गरे। ओमनका सौम्यले दुवै विकेट लिए। ६ ओभर बलिङ गरेका उनले ३१ रन खर्चिए। त्यसअघि टस हारेर पहिले ब्याटिङ गरेको ओमानले ३८ ओभरमा सबै विकेट गुमाउँदै ११७ रनको योगफल तयार गरेको थियो। ओमानका जीत वज्रेश शाहले अर्धशतकीय इनिङ्स खेले। उनले ७८ बलमा चार चौकासहित ५२ रन बनाए। तर, उनको इनिङ्सले ओमानलाई पहिलो जित दिलाउन सकेन। ओपनर सिद्धार्थ शंकरले १६ र हेमा रमेशले १० रन बनाए। अन्य ब्याटरले दोहोरो अंकमा रन बटुल्न सकेनन्। ओमानलाई सस्तैमा रोक्न नेपालका युवराज खत्रीले सर्वाधिक पाँच विकेट लिए। सात ओभर बलिङ गरेका उनले दुई मेडनसहित १५ रन खर्चिए।&nbsp; सन्तोषको नाममा दुई विकेट रहँदा दयान्द मण्डल, अपराजित पौडेल र अशोक धामीको नाममा समान एक विकेट रह्यो। जितसँगै दोस्रो स्थानमा रहेको नेपालले दुई खेलबाट चार अंक पुर्‍याएको छ। नेपालले पहिलो खेलमा युएईलाई डिएलएसबाट पाँच रनले हराएको थियो। ओमानको भने यो लगातार दोस्रो हार हो। पहिलो खेलमा अफगानिस्तानले ओमानलाई आठ विकेटले पराजित गरेको थियो।

नेपालको लगातार दोस्रो जित

काठमाडौं चारदेशिय टी–२० सिरिजको फाइनल खेलमा नेपाल ३ रनले पराजित भएको छ। आइतबार सम्पन्न खेलमा कुवेतले नेपालमाथि तीन रनको रोमाञ्चक जित हात पारेको हो। टी–२० मा कुवेतले पहिलोपल्ट नेपाललाई पराजित गर्न सफल भएको हो। यसअघि भएका दुवै भेटमा नेपालले कुवेतलाई ६ र ७ विकेटले पराजित गर्दै आफ्नो दबदबा कायम राखेको थियो। तर, नेपालले उक्त लयलाई निरन्तरता दिन नसक्दा लज्जास्पद हार बेहोर्न बाध्य भएको हो। कुवेतले प्रस्तुत गरेको १७५ रनको लक्ष्य पछ्याएको नेपालले १९.३ ओभरमा सबै विकेट गुमाउँदै १७१ रन मात्रै बनाउन सक्यो। नेपालका बसिर अहमद र नन्दन यादवबाहेक अन्य कुनै ब्याटरले सम्झनलायक प्रदर्शन गर्न सकेनन्। बसिरले सर्वाधिक ८० रन बनाए। ४३ बल खेलेका उनले आठ चौका र चार छक्का प्रहार गरे। नन्दनले १४ बलमा दुई चौका र चार छक्कासहित ३७ रन बनाए। यी दुईबीच नवौं विकेटका लागि ७३ रनको विशाल साझेदारी भएको थियो। योसँगै नेपाल जितनजिक पुगिसकेको थियो। तर, अन्तिम तीन बलमा तीन रन चाहिएको अवस्थामा क्लिन्टो एन्टोबाट बसिर क्याच हुन पुगे। कुवेतका अनुदीप चेन्थमाराले सर्वाधिक तीन विकेट लिए। २.३ ओभर बलिङ गरेका उनले १८ रन खर्चिए। यसिन पटेल र नवीनराज राजेन्द्रनले समान दुई विकेट लिँदा मोहमद असलमको नाममा एक विकेट रह्यो। त्यसअघि मिसन रोड मैदानमा टस हारेर पहिला ब्याटिङ थालेको कुवेतले निर्धारित २० ओभरमा सात विकेट गुमाउँदै १७४ रनको योगफल तयार पारेको थियो।

फाइनलमा नेपाल कुवेतसँग पराजित

काठमाडौं। घरेलु टोली नेपालले आइसिसी यु–१९ विश्वकप एसिया छनोटमा विजयी सुरुआत गरेको छ। तल्लो मुलपानी अन्तर्राष्ट्रिय क्रिकेट मैदानमा आइतबार सम्पन्न पहिलो खेलमा नेपालले युएईलाई डकवर्थ–लुइस मेथड (डिएलएस)मार्फत पाँच रनले पराजित गरेको हो। जितसँगै नेपालले दुई अंक हासिल गरेको छ। नेपालले प्रस्तुत गरेको २०१ रनको लक्ष्य पछ्याइरहेको युएईले ३६ ओभरमा सात विकेट गुमाउँदै १७१ रन बनाएको थियो। तर, वर्षा र खराब प्रकाशका कारण खेल रोकिएको थियो। युएईलाई डिएलएसबाट जित्न १७६ रनको खाँचो थियो। तर, चार ओभरअघि नै समाप्त गर्दा युएईको स्कोर बोर्डमा १७१ रन मात्रै भएपछि नेपाल पाँच रनले विजयी हुन पुगेको हो। युएईका किरण राईले सर्वाधिक १०४ रन बनाए। अविजित रहेका उनले ९६ बलमा आठ चौका र पाँच छक्का प्रहार गरेका थिए। मुहम्मद रायन खानले ५१ बलमा तीन चौका र दुई छक्कासहित ३५ रन बनाए। करण धिमन १५ रनमा आउट हुँदा अन्य ब्याटरले दोहोरो अंकमा रन बटुल्न सकेनन्। नेपालका अशोक धामी र सन्तोषकुमार यादवले समान दुई विकेट रह्यो। यस्तै, अभिषेक तियारी र नरेन भट्टले समान एक विकेट लिए।

नेपालको विजयी सुरुआत

&nbsp;काठमाडौं। ब्राजिली फुटबलका महान् खेलाडी रोबर्टो कार्लोस बैशाख ५ गते नेपाल आउने भएका छन्।&nbsp;नेपाल सुपर लिग (एनएसएल) आयोजक नेपाल स्पोर्ट्स एन्ड इभेन्ट्स म्यानेजमेन्ट प्रालिले बिहीबार ब्राजिलीयन लेफ्ट–ब्याक कार्लोस आउने पक्का भएको जानकारी दिएको हो। एनएसइएमका प्रबन्ध निर्देशक श्रेयंश कार्कीकाअनुसार कार्लोस दुईदिने विशेष भ्रमणमा काठमाडौं आउने भएका हुन्। उनका अनुसार कार्लोस बैशाख ६ गते त्रिपुरेश्वरस्थित दशरथ रंगशालामा आयोजना हुने पहिलो क्वालिफायर खेलको प्रमुख अतिथि रहनेछन्।

Nepal Sports

MENU

FOOTBALL LEAGUE

FAVORITE CLUB

⚽ Upcoming Matches

🎖 Recent Matches

📰 Recent News