काठमाडौं । नेपाली टेबुलटेनिस खेलाडी स्यान्टु श्रेष्ठ प्रारम्भिक चरणमा सेनेगलका इब्राहिम डिएवसँग पराजित भएका छन्।
उनी डिएवसँग ४-० ले पराजित भएका हुन्। पहिलो सेटमा टक्कर दिएपछि उनी १०-१२ ले पराजित भए। त्यसपछि उनी खेलमा फर्किन सकेनन् र ३-११, ४-११ र ५-११ ले पराजित हुन पुगे।
योसँगै उनी अन्तिम ६४ मा पुग्न असफल भएका छन्। गत जेठ दुई गते लैनचौरस्थित टेबल टेनिस प्रशिक्षण केन्द्रमा भएको दक्षिण एसियाली छनोट फाइनलमा नेपालकै संयोग कपालीलाई हराउँदै स्यान्टुले ओलम्पिकमा आफ्नो स्थान सुरक्षित गरेका थिए।
स्यान्टु छनोटचरण पार गरेर पेरिस ओलम्पिक २०२४ खेल्ने एकमात्र नेपाली खेलाडी हुन्। समग्रमा भने उनी छनोटचरण पार गरेर ओलम्पिक खेल्ने तेस्रो खेलाडी हुन्। यसअघि संगिना वैद्य र दीपक विष्टले छनोट चरण पार गरेर ओलम्पिक खेलेक थिए। नेपाली टेबल टेनिस इतिहासमा भने ओलम्पिकमा छनोट हुने उनी पहिलो खेलाडी हुन्।
Comments
No comments yet.
Top Headlines